सहाय्यकारी मतदान केंद्रांचा प्रस्ताव मान्य

 छत्रपती संभाजीनगर, दि.३ (जिमाका):- लोकसभा निवडणूक २०२४ च्या अनुषंगाने  जिल्ह्यात १८७ सहाय्यकारी मतदान केंद्रांच्या प्रस्तावास भारत निवडणूक आयोगाने मान्यता दिली असून आता जिल्ह्यातील मतदान केंद्रांची संख़्या ३०८५ झाली आहे, अशी माहिती उपजिल्हा निवडणूक अधिकारी देवेंद्र कटके यांनी दिली आहे.

भारत निवडणूक आयोगाच्या निर्देशानुसार छत्रपती संभाजीनगर  जिल्ह्यात सहाय्यकारी मतदान केंद्र तयार करण्यात आली आहेत. आयोगाने जिल्ह्यातील १०४ सिल्लोड, १०५ कन्नड, १०६ फुलंब्री, १०७ औरंगाबाद (मध्य), १०८ औरंगाबाद(पश्चिम), १०९ औरंगाबाद (पूर्व), ११० पैठण, १११- गंगापूर, ११२ वैजापूर अशा विधानसभा मतदारसंघांतील मतदान केंद्राच्या प्रस्तावास मान्यता प्रदान केली आहे. तसेच मुख्य निवडणूक अधिकारी महाराष्ट्र राज्य मुंबई यांनीही कळविले आहे. 

मान्यता प्राप्त झाल्यानुसार सहाय्यकारी मतदान केंद्रांसह मतदान केंद्रांची संख़्या खालील प्रमाणे-

अ.क्र.	विधानसभा मतदार संघ	पूर्वीची मतदान केंद्र संख्या	सहाय्यकारी मतदान केंद्र संख्या	एकूण मतदान केंद्र संख्या
१	१०४- सिल्लोड	३२४	३२	३५६
२	१०५-कन्नड	३४५	१४	३५९
३	१०६- फुलंब्री	३४२	१३	३५५
४	१०७-औरंगाबाद मध्य	३०३	१३	३१६
५	१०८-औरंगाबाद पश्चिम	३१६	५८	३७४
६	१०९-औरंगाबाद पूर्व	२९१	१४	३०५
७	११०- पैठण	३२६	२०	३४
८	१११- गंगापूर	३२८	२०	३४८
९	११२- वैजापूर	३२३	१५	३३८
एकूण		२८९८	१८७	३०८५

 

या मतदान केंद्रांची यादी ही जिल्हाधिकारी तथा जिल्हा निवडणूक अधिकारी  कार्यालय, संबंधित मतदार संघाच्या  मतदान नोंदणी अधिकारी कार्यालय,  उपविभागीय कार्यालय, तहसिलदार कार्यालय, महानगरपालिका, ग्रामपंचायत कार्यालयाचे नोटीस बोर्ड येथे प्रसिद्ध करण्याताली आहे. तसेच जिल्हाधिकारी कार्यालयाच्या संकेतस्थळावरही प्रसिद्ध करण्याट आली आहे, असे उपजिल्हा निवडणूक अधिकारी देवेंद्र कटके यांनी कळविले आहे.

०००००