जिल्हा माहिती कार्यालय छत्रपती संभाजीनगर

  छत्रपती संभाजीनगर, दि.३१(जिमाका)- मराठी भाषा संवर्धन पंधरवाड्यानिमित्त छत्रपती संभाजीनगर जिल्ह्यात पहिले बालकुमार साहित्य संमेलन २०२६ आयोजित करण्यात येत आहे. जिल्हाधिकारी कार्यालय व जिल्हा परिषद शिक्षण विभाग (माध्यमिक) यांच्या संयुक्त विद्यमाने हे संमेलन सोमवार, दि. ०२ फेब्रुवारी रोजी सकाळी ८ ते सायंकाळी ६ या वेळेत द जैन इंटरनॅशनल स्कूल,संग्रामनगर उड्डाणपूल जवळ संभाजीनगर–उदगाव रस्त्याजवळ, शाहनूरवाडी, बीड बायपास येथे संपन्न होणार आहे. विद्यार्थ्यांमध्ये मराठी भाषेची गोडी निर्माण करणे, वाचन-संस्कृती रुजवणे तसेच बालसाहित्याच्या माध्यमातून अभिव्यक्ती व सर्जनशीलतेला चालना देणे, हा या संमेलनाचा प्रमुख उद्देश आहे. सकाळचे सत्र : ग्रंथदिंडी व उद्घाटन कार्यक्रम सकाळी ८.०० ते ८.३० या वेळेत नाव नोंदणी होणार असून ८.३० ते ९.३० या वेळेत ग्रंथदिंडीचे आयोजन करण्यात आले आहे. ग्रंथदिंडी उद्घाटन मा. डॉ. राजेंद्र कावळे (प्राचार्य, जिल्हा शिक्षण व प्रशिक्षण संस्था) यांच्या हस्ते होणार असून प्रमुख पाहुणे म्हणून मा. डॉ. सुनिता राठोड (वरिष्ठ अधिव्याख्याता, प्रादेशिक विद्या प्राधिकरण) उपस्थित राहणा...

  छत्रपती संभाजीनगर, दि.३१(जिमाका)- जिल्ह्यात आपदा मित्र प्रशिक्षण कार्यक्रम राबविण्यात येणार आहे. हा  प्रशिक्षण कार्यक्रम एकूण १२ दिवसीय निवासी स्वरुपाचा असून जिल्हा आपत्ती व्यवस्थापन प्राधिकरण, जिल्हाधिकारी कार्यालय, छत्रपती संभाजीनगर यांच्या वतीने दि. १२ फेब्रुवारी रोजी इच्छूक स्वयंसेवकांच्या पुढील बॅचेस कोलाड जि.रायगड येथे पाठविण्यात येणार आहेत. इच्छुकांनी आपले अर्ज जिल्हाधिकारी कार्यालयात दि.१० फेब्रुवारी पर्यंत जमा करावे, असे आवाहन निवासी उपजिल्हाधिकारी तथा मुख्य कार्यकारी अधिकारी, जिल्हा आपत्ती व्यवस्थापन प्राधिकरण, छत्रपती संभाजीनगर यांनी केले आहे. हा प्रशिक्षण कार्यक्रम पूर्णतः मोफत असून प्रत्येक आपदा मित्राकरीता वैयक्तिक आपत्कालीन प्रतिसादकर्ता संच (ERK), ३ वर्षाकरीता ५ लाख रुपयांचे विमा संरक्षण व येणे जाणे आणि निवास व भोजनाची व्यवस्था पूर्णतः शासन व शासनाकडून नियुक्त करण्यात आलेल्या संस्थेमार्फत विनामूल्य करण्यात आली आहे. तसेच महिला व मुलींसाठी स्वतंत्र बॅच व येण्या जाण्याची सुविधा करण्यात आली आहे.  या प्रशिक्षणासाठी इच्छूक असलेल्या व यापूर्वी नामनिर्देशने स...

  छत्रपती संभाजीनगर, दि.३१(जिमाका)- जिल्हा परिषद व पंचायत समिती निवडणुकांचा सुधारीत कार्यक्रम जाहीर झाला असून त्यानुसार मतदान शनिवार दि.७ रोजी (सकाळी साडेसात ते सायं.साडेपाच वा.) तर  मतमोजणी सोमवार, दि. ९ फेब्रुवारी २०२६ रोजी सकाळी १० वाजल्यापासून सुरू होणार आहे. प्रशासनाने मतमोजणीसाठी तालुकानिहाय ठिकाणे निश्चित केली असून तालुकानिहाय मतमोजणीची ठिकाणे याप्रमाणे- १.       सोयगाव तालुकाः- तहसील कार्यालयाच्या नवीन इमारत, सोयगाव. २.       सिल्लोड तालुकाः-औद्योगिक प्रशिक्षण संस्था, यशवंत महाविद्यालयाच्या पाठीमागे, सिल्लोड. ३.       कन्नड तालुकाः- छत्रपती शिवाजी महाविद्यालयाचा इन-डोअर हॉल, कन्नड. ४.     फुलंब्री तालुकाः-तहसील कार्यालय,मध्यवर्ती प्रशासकीय इमारत, फुलंब्री. ५.      खुलताबाद तालुकाः- कैलास शासकीय औद्योगिक प्रशिक्षण संस्था, खुलताबाद. ६.       वैजापूर तालुकाः- विनायकराव पाटील महाविद्यालय, वैजापूर. ७.    ...

    छत्रपती संभाजीनगर, दि.३०(जिमाका)- राज्य शासनाची स्वायत्त संस्था असलेल्या महाराष्ट्र संशोधन उन्नती व प्रशिक्षण प्रबोधिनी (अमृत) यांच्या वतीने खुल्या प्रवर्गातील आर्थिकदृष्ट्या दुर्बल घटकांच्या सक्षमीकरणासाठी विविध मोफत व्यावसायिक प्रशिक्षण कार्यक्रम राबविण्यात येत आहेत. त्याचाच एक भाग म्हणून अमृत कौशल्य उद्यम प्रशिक्षण योजनेंतर्गत छत्रपती संभाजीनगर येथे विविध प्रशिक्षण कार्यक्रमांसाठी नावनोंदणी सुरू करण्यात आली आहे. लक्षित गटातील युवक व युवतींनी या सुवर्णसंधीचा लाभ घ्यावा, असे आवाहन अमृत संस्थेचे छत्रपती संभाजीनगर जिल्हा व्यवस्थापक अक्षय लंबे यांनी केले आहे. या प्रशिक्षण योजनांमधून प्रशिक्षणार्थ्यांना स्वयंरोजगार सुरू करण्यास तसेच रोजगाराच्या संधी उपलब्ध होण्यास मदत होणार आहे. या योजनेअंतर्गत अमृत उद्योग कौशल्यवर्धन, अमृत सूर्य मित्र, सोलार इन्स्टॉलेशन टेक्निशियन, अमृत आरीवर्क, अमृत ग्लॅमर (ब्युटी पार्लर), अमृत बेकरी तसेच अमृत आयात – निर्यात प्रशिक्षण असे विविध प्रशिक्षण कार्यक्रम राबविण्यात येणार असून, हे सर्व प्रशिक्षण कार्यक्रम पूर्णतः मोफत आहेत. अमृत संस्था ही...

      छत्रपती संभाजीनगर, दि.३०(जिमाका)- राजा राममोहन रॉय ग्रंथालय प्रतिष्ठान,   कोलकाता व राज्य शासन यांच्या संयुक्त विद्यमाने समान निधी ' ग्रंथभेट ' योजने अंतर्गत सन २०२५या कॅलेंडर वर्षात प्रकाशित झालेली मराठी, हिंदी व इंग्रजी भाषेतील ग्रंथ खरेदी करुन राज्यातील शासनमान्य ग्रंथालयांना भेट म्हणून देण्यात येतात.             या योजनेअंतर्गत खरेदी करण्यात येणाऱ्या ग्रंथाची निवड करण्यासाठी तसेच ग्रंथालय संचालनालय स्तरावरुन प्रसिध्द   होणाऱ्या   ‘शासनमान्य ग्रंथ निवड यादी’ मध्ये समावेश होण्याच्या दृष्टीने सन २०२५ या कॅलेंडर वर्षात ( दि. १ जानेवारी २०२५ ते दि.३१ डिसेंबर २०२५) प्रकाशित झालेल्या व प्रथम आवृत्ती असलेल्या ग्रंथांची प्रत्येकी एक विनामुल्य प्रत   (Complimentary copy) ग्रंथालय संचालक, ग्रंथालय संचालनालय, महाराष्ट्र राज्य, मुंबई यांच्याकडे दिनांक २८ फेब्रुवारी पर्यंत सादर करणे आवश्यक आहे. त्यानंतर प्राप्त ग्रंथांचा ग्रंथ निवड यादीसाठी विचार केला जाणार नाही. या यापूर्वी संचालनालयास पाठविले अ...

  छत्रपती संभाजीनगर, दि.३०(जिमाका)- आगामी कालावधीत कायदा सुव्यवस्था अबाधित रहावी म्हणून जिल्ह्यातील ग्रामीण भागात महाराष्ट्र पोलीस अधिनियम १९५१ चे कलम ३७ (१)   व ३७ (३) अन्वये मनाई आदेश जारी करण्यात आले आहेत. अपर जिल्हादंडाधिकारी जनार्दन विधाते यांनी हे आदेश निर्गमित केले असून दि.१२ फेब्रुवारी २०२६ पर्यंत हे आदेश अमलात राहतील,असेही स्पष्ट करण्यात आले आहे.

    छत्रपती संभाजीनगर, दि.३०(जिमाका)- उपमुख्यमंत्री अजित पवार हे प्रशासनाची जाण असणारे नेते होते. वक्तशीरपणा हा त्यांच्या ठायी होता. वेळेचं महत्त्व जाणणारा एक मोठा नेता आपल्यातून निघून गेला, अशा शब्दात जिल्हाधिकारी दिलीप स्वामी यांनी दिवंगत उपमुख्यमंत्री अजित पवार यांना श्रद्धांजली अर्पण केली. उपमुख्यमंत्री अजित पवार यांना आज जिल्हाधिकारी कार्यालयात श्रद्धांजली अर्पण केली. जिल्हाधिकारी दिलीप स्वामी, निवासी उपजिल्हाधिकारी जनार्दन विधाते, उपजिल्हाधिकारी संगिता राठोड तसेच जिल्हाधिकारी कार्यालयातील अधिकारी- कर्मचारी यावेळी उपस्थित होते. अजित पवार यांच्या प्रतिमेस जिल्हाधिकारी स्वामी यांनी पुष्पहार अर्पण केला. त्यानंतर बोलतांना जिल्हाधिकारी स्वामी म्हणाले की, प्रशासनाची जाण असणारा एक मोठा नेता म्हणून अजितदादा सगळ्यांच्या स्मरणात राहतील. समाजातील सर्व थरातील लोकांशी त्यांचा थेट संपर्क होता. प्रश्नांची जाण असणे, ते सोडविण्यासाठी अथक परिश्रम करण्याची तयारी असणे हे त्यांचे महत्त्वाचे गुण होते. वक्तशीरपणा हा त्यांच्या ठायी होता. वेळेचं महत्त्व जाणणारा नेता आपण गमावला आहे, अशा शब...

  छत्रपती संभाजीनगर, दि.३०(जिमाका)- देशाच्या स्वातंत्र्यासाठी प्राणार्पण केलेल्या हुतात्म्यांच्या स्मरणार्थ आज जिल्हाधिकारी कार्यालयात दोन मिनीटे मौन पाळून आदरांजली वाहण्यात आली. जिल्हा नियोजन सभागृहात सकाळी ११ ते ११ वा. २ मि. पर्यंत उपस्थित सर्व अधिकारी- कर्मचारी यांनी मौन पाळून हुतात्म्यांना आदरांजली अर्पण केली. जिल्हाधिकारी दिलीप स्वामी, निवासी उपजिल्हाधिकारी जनार्दन विधाते, उपजिल्हाधिकारी संगिता राठोड तसेच जिल्हाधिकारी कार्यालयातील अधिकारी- कर्मचारी यावेळी उपस्थित होते.

          छत्रपती संभाजीनगर, दि. २९(जिमाका) – डाक विभागाच्या वतीने दि.३० व ३१ जानेवारी रोजी कैलास शिल्प. टि.व्ही. सेंटर येथे दुर्मिळ टपाल तिकीटाचे प्रदर्शन आयोजीत करण्यात आले होते. तथापि शासकीय दुखवटा जाहीर झाल्यामुळे आता हा कार्यक्रम दि.३१ जानेवारी व दि.१ फेब्रुवारी रोजी त्याच ठिकाणी होईल,असे प्रवर डाक अधीक्षक जी. हरीप्रसाद, प्रवर डाकपाल सुरेश बनसोडे यांनी केले आहे. ०००००

  छत्रपती संभाजीनगर, दि.२९(जिमाका)- येथील आयकर कार्यालयाच्या टीडीएस विभागाने दोन ठिकाणी कारवाई करुन एका रस्ते बांधकाम करणाऱ्या कंपनीकडे तपासणी करुन १ कोटी ७३ लाख रुपयांच्या थकबाकीची वसूली केली. तसेच एका पॉलिमर निर्मिती क्षेत्रातील कंपनीकडे ५० लाख रुपयांची थकबाकी असल्याचे तपासणीअंती निदर्शनास आले, अशी माहिती आयकर अधिकारी राहुल मोरे यांनी दिली आहे. आयकर कार्यालयाच्या छत्रपती संभाजीनगर व नाशिक येथील पथकाने मंगळवारी (दि.२७) ही कारवाई केली. दोन ठिकाणी केलेल्या कारवाईत रस्ते बांधकाम क्षेत्रात काम करणारी कंपनी व ताडपत्री, पॉलिमर, पेपर क्राफ्ट . निर्मिती करणाऱ्या कंपनी अशा दोन ठिकाणि तपासणी करण्यात आली. केंद्रीय सरकारच्या खात्यात कापलेला टीडीएस वेळेवर जमा करण्यात कसूर करणे वा जमा न करणे यासंदर्भात ही तपासणी करुन रस्ते बांधकाम क्षेत्रातील कंपनीकडून १ कोटी ७३ लाख रुपयांची थकबाकी वसूल करण्यात आली. तर पॉलिमर क्षेत्रातील कंपनीने ५० लाख रुपयांची रक्कम जमा केली नसल्याचे दिसून आले. संबंधित कंपन्यांनी आयकर कायदा १९६१ च्या टीडीएस तरतुदींचे पालन करावे,असे आवाहन राहुल मोरे यांनी केले आहे. ०००००

  छत्रपती संभाजीनगर,दि.२९(जिमाका)-    सार्वजनिक बांधकाम प्रादेशिक विभाग उपवने व उद्याने यांच्या वतीने शनिवार दि.१४ व रविवार दि.१५ फेब्रुवारी २०२६   रोजी   ४६ व्या विभागीय वार्षिक पुष्पप्रदर्शन व उद्यान स्पर्धेचे आयोजन करण्यात आले आहे. या स्पर्धेत व प्रदर्शनात   अधिकाधिक स्पर्धकांनी सहभाग घ्यावा,असे आवाहन सहायक संचालक प्रसाद कडुलकर यांनी केले आहे. इच्छुक स्पर्धकांसाठी प्रवेशिका देणे व स्विकारण्यासाठी देण्यात आलेला कालावधी याप्रमाणे-             पुष्प प्रदर्शन स्पर्धा दि.३ ते १२ फेब्रुवारी             उद्यान स्पर्धा दि.३ ते ९ फेब्रुवारी उद्यान स्पर्धा ह्या उद्यानाचा प्रकार व आकार(क्षेत्रफळ) अशा वेगवेगळ्या गटांमध्ये असून स्पर्धेत भाग घेतलेल्या उद्यानांचे परीक्षण दि. १०ते ११ फेब्रुवारी या कालावधीत करण्यात येईल.             प्रवेशिका सहाय्यक संचालक, उपवन व उद्याने यांचे कार्यालय, सार्वजनि...

  छत्रपती संभाजीनगर, दि.२९(जिमाका) – भारतीय नागरिक सुरक्षा संहिता २०२३ चे कलम १६३  प्रमाणे ड्रोन, रिमोट कंट्रोल्ड मायक्रो-लाइट एअरक्राफ्ट, पॅराग्लायडर, पॅरा मोटर्स, हॅण्ड लायडर्स हॉट एअर बलून इ. उड्डाण क्रियांना पोलीस आयुक्तालयाच्या कार्यक्षेत्रात दि.३० जानेवारी ते दि.३० मार्च दरम्यान प्रतिबंध करण्यात येत आहे,असे आदेश पोलीस आयुक्त प्रवीण पवार यांनी निर्गमित केले आहे. ०००००

   छत्रपती संभाजीनगर, दि. 29 (जिमाका) – इतर मागास बहुजन कल्याण विभागामार्फत राबविण्यात येणाऱ्या मॅट्रीकोत्तर शिष्यवृत्ती तसेच शिक्षण शुल्क व परीक्षा शुल्क शिष्यवृत्ती योजनांसाठी अर्ज सादर करण्याची अंतिम मुदत जानेवारी अखेरपर्यंत निश्चित करण्यात आली आहे.             विभागामार्फत विमुक्त जाती, भटक्या जमाती, इतर मागास वर्ग व विशेष मागास प्रवर्गातील विद्यार्थ्यांसाठी राबविण्यात येणाऱ्या मॅट्रीकोत्तर शिष्यवृत्ती योजनेअंतर्गत जिल्ह्यातील विविध महाविद्यालयांकडून आतापर्यंत एकूण 43 हजार 507 विद्यार्थ्यांचे अर्ज प्राप्त झाले आहेत. यापैकी 28 हजार 878 अर्ज महाविद्यालयांनी मंजुरीसाठी इतर मागास बहुजन कल्याण विभागाकडे पाठविले आहेत.             तसेच 12 हजार 648 अर्ज महाविद्यालयाच्या लॉगिनमधून मंजुरीसाठी छाननीच्या प्रक्रियेत असून, 1 हजार 872 अर्जांमध्ये आवश्यक कागदपत्रे अपूर्ण असल्याने संबंधित महाविद्यालयांनी त्रुटी पूर्ततेसाठी विद्यार्थ्यांच्या लॉगिनमध्ये सेन्डबॅक केले आहेत. याश...

          छत्रपती संभाजीनगर, दि.२९(जिमाका) - इंग्रजी माध्यमाच्या एकलव्य रेसिडेंशियल पब्लिक स्कूलमध्ये प्रवेशासाठी रविवार दि.१ मार्च रोजी स्पर्धा परीक्षा होणार आहे.  त्यासाठी विद्यार्थ्यांचे प्रवेश अर्ज दि. १८   फेब्रवुारी पर्यंत पाठवावे, असे प्रकल्प अधिकारी एकात्मिक आदिवासी विकास प्रकल्प चेतना मोरे यांनी कळविले आहे.              अपर आयुक्त, आदिवासी विकास, अमरावती यांचे अधिनस्त येत असलेल्या प्रकल्प अधिकारी, एकात्मिक आादिवासी विकास प्रकल्प, धारणी पांढरकवडा, किनवट, अकोला, छत्रपती संभाजीनगर, पुसद, कळमनुरी यांच्या कार्यक्षेत्रात असलेल्या १२ जिल्ह्यातील सर्व शासकीय व अनुदानित आश्रमशाळा जिल्हा परिषद, नगरपालिका व महानगरपालिका प्राथमिक व माध्यमिक शाळा तसेच सर्व शासन मान्य अनुदानित प्राथमिक व माध्यमिक शाळेतील सन २०२५-२६ या शैक्षणिक वर्षात इयत्ता ५ वी, ६ वी, ७ वी व ८ वी मध्ये शिकत असलेल्या अनुसूचित जमातीचे विद्यार्थी यास्पर्धा परिक्षेसाठी पात्र राहतील. सर्व शाळेतील मुख्याध्यापकांनी प्रवेश परीक्षेचे आव...

          छत्रपती संभाजीनगर, दि. २९(जिमाका) – जिल्हा परिषद व पंचायत समिती सार्वत्रिक निवडणूक २०२६ च्या पार्श्वभूमीवर मतदारांच्या मतदानासंदर्भातील अडचणी व तक्रारींचे तात्काळ निवारण करण्यासाठी जिल्हाधिकारी कार्यालयात स्वतंत्र मतदार मदत व तक्रार निवारण कक्ष स्थापन करण्यात आला आहे.             या कक्षासाठी ०२४०-२३३१०७७ हा दूरध्वनी क्रमांक उपलब्ध करून देण्यात आला असून हा क्रमांक २४ तास × ७ दिवस मतदारांच्या सेवेसाठी कार्यरत राहणार आहे. मतदान यादी, नाव नोंदणी, दुरुस्ती, स्थलांतर तसेच मतदान प्रक्रियेबाबत कोणतीही अडचण असल्यास मतदारांनी या कक्षाशी संपर्क साधावा, असे आवाहन जिल्हा प्रशासनाच्या वतीने करण्यात आले आहे.             मतदारांनी या सुविधेचा जास्तीत जास्त लाभ घ्यावा,उपजिल्हाधिकारी सामान्य प्रशासन श्रीमती संगीता राठोड यांनी आवाहन केले आहे. ०००००

  छत्रपती संभाजीनगर, दि.२७(जिमाका ) –   ‘नक्शा’ हा मालमत्तांचे डिजीटल उतारे देण्यासाठी राबविण्यात येणारा पथदर्शी प्रकल्प कन्नड शहरात (नगरपालिका हद्द)   राबविण्यात येत आहे. या प्रकल्पाचे   सात टप्पे असून सहा टप्प्यांचे काम पूर्ण झाले आहे. त्यात १० हजार ३३६ मालमत्तांचे नकाशे तयार असून आता पुढील टप्प्यांच्या कामाला सुरुवात करण्यात येईल, अशी माहिती आज झालेल्या बैठकीत देण्यात आली.           जिल्हाधिकारी दिलीप स्वामी यांनी आज आढावा घेतला. जिल्हा अधीक्षक भुमि अभिलेख डॉ. विजय वीर, न.प. प्रशासन सहा. आयुक्त ऋषिकेश भालेराव, सहा. नगर रचनाकार हरीष गुडे, नगर रचना विभागाचे कौस्तुभ भावे आदी उपस्थित होते.   कन्नड शहरात राबविण्यात येणाऱ्या पथदर्शी प्रकल्पात प्रारंभीच्या टप्प्यात सर्व कामे पूर्ण झाली असून त्यात प्रामुख्याने तपासणी, मोजणी आदी कामे होती. त्यानुसार ड्रोनद्वारे शहराचे प्रतिमाकरणही झाले आहे. त्यानुसार मालमत्तांचे डीजीटल नकाशे तयार झाले आहेत. १० हजार ३३६ नकाशे असून या नकाशांचे प्रतिमा प्रमाणीकरणाचे काम आता पुढील टप्प्या...

  छत्रपती संभाजीनगर, दि.27(जिमाका) –   लोकप्रतिनिधीत्व अधिनियमानुसार अपेक्षित लोकप्रतिनिधीची निवड करण्यासाठी आपण मतदान करतो. मात्र मतदानाची टक्केवारी कमी असल्यास कमी लोकांचा प्रतिनिधी आपण निवडतो. जास्तीत जास्त लोकांना प्रतिनिधी निवडण्यासाठी मतदानाचा टक्का अधिक असणे आवश्यक आहे,असे प्रतिपादन जिल्हाधिकारी दिलीप स्वामी यांनी आज केले.           राष्ट्रीय मतदान दिवस (दि.25) निमित्त आज जिल्हाधिकारी कार्यालयात मतदार जनजागृती कार्यक्रमाचे आयोजन करण्यात आले. जिल्हा नियोजन भवनात हा कार्यक्रम घेण्यात आला. जिल्हाधिकारी दिलीप स्वामी, अपर जिल्हाधिकारी संभाजीराव अडकुणे, उपजिल्हा निवडणूक अधिकारी देवेंद्र कटके, निवासी उपजिल्हाधिकारी जनार्दन विधाते, उपजिल्हाधिकारी एकनाथ बंगाळे आदी उपस्थित होते. या कार्यक्रमात उपस्थितांना मतदारांची प्रतिज्ञा देण्यात आली.       तसेच इंडीयन इन्स्टिट्युट ऑफ   फुड सायन्स ॲण्ड टेक्नॉलॉजीच्या विद्यार्थिनींनी मतदार जागृती संदर्भात पथनाट्य सादर केले. तसेच नव मतदारांना मतदान ओळखपत्राचे वितरण, ...

  छत्रपती संभाजीनगर, दि.27(जिमाका) –   पर्यावरणीय बदल व त्यानुसार होणाऱ्या एकंदर वातावरण, आरोग्य, जैवविविधता, पीक पद्धती यात होणाऱ्या बदलांबाबत शासनाच्या विविध विभागांनी आपापल्या विभागाच्या उपाययोजना राबवावयाच्या आहेत. त्याचा   जिल्ह्याचा आराखडा तयार करावा,असे निर्देश आज जिल्हाधिकारी दिलीप स्वामी यांनी दिले. राज्यातील अमृत शहरे, जिल्हे आणि महसूल विभागांमध्ये वातावरणीय कृती कक्ष स्थापन करण्याचे शासनाचे निर्देश आहेत. त्यासंदर्भात आढावा आजच्या बैठकीत घेण्यात आला. बैठकीस जिल्हा परिषदेचे मुख्य कार्यकारी अधिकारी अंकीत, जिल्हा अधीक्षक कृषी अधिकारी प्रकाश देशमुख, जिल्हा आरोग्य अधिकारी डॉ. अभय धानोरकर,मनपा उपायुक्त स्वप्नील राठोड, माविमचे जिल्हा समन्वयक चंदनसिंग राठोड, सामाजिक वनीकरण विभागाचे विभागीय वन संरखक संदीप गिरी, पाटबंधारे विभागाच्या कार्यकारी अभियंता श्रीमती एस.जी. शाहपुरे, सहा. वनसंरक्षक आशा चव्हाण, न.प. प्रशासन सहा. आयुक्त ऋषिकेश भालेराव, सिल्लोड मुख्याधिकारी भागवत बिघोत, फुलंब्री मुख्याधिकारी ज्ञानेश्वर ठोंबरे, महाराष्ट्र प्रदुषण नियंत्रण मंडळाचे उपप्रादेशीक संचाल...

  छत्रपती संभाजीनगर, दि.२७(जिमाका ) –   जिल्ह्यातील तब्बल १ लाख ८५ हजार विद्यार्थ्यांनी एकाच सुरात महाराष्ट्र गीताचे समूहगान सादर करताना, देशभक्तीपर गीतांवर शिस्तबद्ध आणि समरस अशा सामूहिक कवायत संचलनातून राष्ट्रभक्तीची जिवंत अनुभूती दिली. विद्यार्थ्यांच्या आवाजात उमटलेले महाराष्ट्र गीत आणि त्यांच्या पावलांतून व्यक्त झालेली शिस्त, एकात्मता व देशप्रेम यामुळे संपूर्ण वातावरण भारावून गेले.   प्रजासत्ताक दिनानिमित्त (सोमवार, दि.२६) या अनोख्या कार्यक्रमाचे आयोजन करण्यात आले.           राज्याचे शालेय शिक्षण मंत्री दादाजी भुसे यांच्या संकल्पनेतून हा कार्यक्रम राबविण्यात आला.   राज्यातील १ लाख शाळांमध्ये ७ लाख शिक्षक व २ कोटी विद्यार्थ्यांचा सहभाग होता. ‘संस्कार दशसुत्रीचे, रंग देशभक्तीचे’ या शिर्षकानंतर्गत हा उपक्रम राबविण्यात आला. जिल्ह्यात   १ लाख ५० हजार विद्यार्थी या उपक्रमात सहभागी होतील असे नियोजन होते मात्र प्रत्यखात १ लाख ८५ हजार विद्यार्थी सहभागी झाल्याचे संयोजकांनी सांगितले. जिल्हाधिकारी दिलीप स्वामी यांच्या संक...

    छत्रपती संभाजीनगर, दि.26(जिमाका) – देशाचा 77वा प्रजासत्ताक दिन समारंभाचा जिल्ह्याचा मुख्य शासकीय सोहळा पोलीस आयुक्तालयाच्या देवगिरी या मैदानावर मोठ्या उत्साहात पार पडला. राज्याचे सामाजिक न्याय मंत्री तथा जिल्ह्याचे पालकमंत्री संजय शिरसाट यांच्या हस्ते ध्वजवंदन करण्यात आले. त्यानंतर झालेल्या शानदार संचालनाने उपस्थितांच्या मनात देशभक्तीची भावना वृद्धिंगत केली. पोलीस आयुक्तालयातील देवगिरी मैदानावर हा मुख्य शासकीय सोहळा पार पडला. विधानपरिषदेचे सद्सय आ. संजय केणेकर, माजी विरोधीपक्ष नेते अंबादास दानवे, माजी खासदार चंद्रकांत खैरे तसेच विभागीय आयुक्त जितेंद्र पापळकर, छत्रपत्री संभाजीनगर परीक्षेत्राचे विशेष पोलीस महानिरीक्षक विरेंद्र मिश्र, मनपा आयुक्त जी. श्रीकांत, जिल्हाधिकारी दिलीप स्वामी, जिल्हा परिषदेचे मुख्य कार्यकारी अधिकारी अंकीत, पोलीस आयुक्त प्रवीण पवार, पोलीस अधीक्षक डॉ. विनयकुमार राठोड, अपर जिल्हाधिकारी संभाजीराव अडकुणे तसेच सर्व विभागप्रमुख, स्वातंत्र्य सैनिक, नागरिक, विद्यार्थी उपस्थित होते. पालकमंत्री शिरसाट यांच्या हस्ते राष्ट्रध्वजाचे ध्वजवंदन करण्यात आले....

  छत्रपती संभाजीनगर, दि.२६(जिमाका)- प्रजासत्ताक दिनानिमित्त जिल्हाधिकारी कार्यालयाच्या प्रांगणात ध्वजारोहण करण्यात आले. जिल्हाधिकारी दिलीप स्वामी यांच्या हस्ते ध्वजारोहण करण्यात आले. याप्रसंगी अपर जिल्हाधिकारी संभाजीराव अडकुणे, निवासी उपजिल्हाधिकारी जनार्दन विधाते, उपजिल्हाधिकारी संगिता राठोड, एकनाथ बंगाळे, प्रविण फुलारी, जिल्हा नियोजन अधिकारी भारत वायाळ तसेच सर्व अधिकारी – कर्मचारी उपस्थित होते. ०००००

  छत्रपती संभाजीनगर, दि.२४(जिमाका)- हिंद दी चादर गुरु तेग बहादुर यांच्या ३५० व्या शहीदी समागम वर्षानिमित्त नांदेड येथे दि.२४ व २५ जानेवारी रोजी भव्य कार्यक्रमाचे आयोजन करण्यात आले आहे. या कार्यक्रमात देशभरातून भावि सहभागी होत आहेत. छत्रपती संभाजीनगर येथूनही गुरुद्वारा गुरु सिंग सभा येथून २५० जणांची पहिली संगत आज रवाना झाली. या संगतला स्थानिक भाविकांनी रवाना केले. आणखीन मोठ्या संख़्येने भाविक नांदेड येथे जाणार आहेत. या भाविकांची तेथील निवास, भोजन, विश्रांती, पार्कींग आदी सुविधा करण्यात आली आहे. लंगर सेवेतही योगदान देण्यात आले आहे. सरदार हरिसिंग, सरदार कुलदीपसिंग निर्थ, अवतारसिंग छाबडा, रणजितसिंग मलिक, इंदरजितसिंग छटवाल, हरविंदरसिंग मुछल आदी गुरुद्वारा समितीचे पदाधिकारी यावेळी उपस्थित होते. ०००००