आदिवासी मुलांचे शासकीय वसतीगृह प्रवेश प्रक्रिया सुरु

 छत्रपती संभाजीनगर दि.१८(जिमाका)-गृहपाल आदिवासी मुलांचे शासकीय वसतीगृह सिल्लोड, ता.सिल्लोड येथील वसतीगृहामध्ये सन २०२४-२५ या  शैक्षणिक वर्षाकरीता प्रवेश प्रक्रिया सुरु झाली असून अनु.जमातीमधील इयत्ता ८ वी, इयत्ता ११ वी व पदवी  प्रथम वर्ष व पदव्युत्तर पदवी प्रथम वर्षाकरीता प्रवेश घेतलेल्या विद्यार्थ्यंनी swayam.mahaonline.gov.in या साईटवर जाऊन फॉर्म भरावा. वसतीगृहामध्ये प्रवेशित विद्यार्थ्यांना भोजन व निवास सुविधा मोफत असून, शैक्षणिक साहित्याकरीता डीबीटी रक्कम थेट बँक खात्यात जमा करण्यात येते. अनु.जमातीमधील गरीब होतकरु विद्यार्थ्यांनी या योजनेचा लाभ घ्यावा, असे आवाहन गृहपाल एस.एस.सावदेकर यांनी केले.

०००००