डॉ. ए.पी.जे. अब्दुल कलाम यांना जयंतीनिमित्त जिल्हाधिकारी कार्यालयात अभिवादन; वाचन प्रेरणा दिन साजरा

 

छत्रपती संभाजीनगर, दि.१५ (जिमाका):- माजी राष्ट्रपती तथा थोर शास्त्रज्ञ डॉ.ए.पी.जे. अब्दुल कलाम यांच्या जयंतीनिमित्त आज जिल्हाधिकारी कार्यालयात त्यांना अभिवादन करण्यात आले. उपजिल्हाधिकारी संगिता राठोड व एकनाथ बंगाळे यांच्या हस्ते प्रतिमापूजन करुन त्यांना अभिवादन करण्यात आले. यावेळी जिल्हाधिकारी कार्यालयातील अधिकारी व कर्मचारी उपस्थित होते.

यानिमित्त आज जिल्हाधिकारी कार्यालयात वाचन प्रेरणा दिवस साजरा करण्यात आला. त्यानिमित्त डॉ. चक्रधर कोठी यांचे व्याख्यान आयोजित करण्यात आले होते. या कार्यक्रमासही जिल्हाधिकारी कार्यालयातील अधिकारी कर्मचारी उपस्थित होते.

०००००