इस्त्रायलमध्ये रोजगाराची संधी

 छत्रपती संभाजीनगर, दि.१६(जिमाका)- महाराष्ट्र शासनाच्या कौशल्य, रोजगार, उद्योजकता व नावीन्यता विभागांतर्गत महाराष्ट्र राज्यातील कुशल युवक-युवतींना परदेशातील रोजगार संधी उपलब्ध करून देण्याकरीता महाराष्ट्र इंटरनॅशनल हे वेबपोर्टल सुरू करण्यात आले आहे.सद्यस्थितीत इस्त्राईलमधील नॉन वॉर झोनमध्ये घरगुती सहायक (होम बेस्ड केअर गिव्हर) या  पदाकरिता मासिक वेतन १ लाख ३१ हजार ८१८ रुपये सह रोजगाराची संधी उपलब्ध आहे. याचा जिल्ह्यातील जास्तीत जास्त युवक-युवतींनी लाभ घ्यावा, असे आवाहन जिल्हा कौशल्य विकास रोजगार व उद्योजकता मार्गदर्शन केंद्राचे सहायक आयुक्त सुरेश वराडे यांनी केले आहे.

पात्रता -

१.      इस्त्राईलमध्ये नोकरीसाठी उमेदवारांकडे (घरगुती सहायक) पदासाठी आवश्यक असलेले भारतातील मान्यताप्राप्त शैक्षणिक संस्थेद्वारा नर्सिंग, फिजिओथेरपी, नर्स असिस्टंट आणि मिडवाइफरी या क्षेत्रातील किमान ९९० तासांचा (ऑन जॉब ट्रेनिंगसह) अभ्यासक्रम पूर्ण केलेले प्रमाणपत्र असणे आवश्यक आहे. जी.डी.ए. /ए.एन.एम. /जी.एन.एम./बि.एस.सी. नर्सिंग या क्षेत्रातील अभ्यासक्रम पूर्ण केलेले उमेदवारही सदर पदासाठी पात्र आहेत.

२.      उमेदवारांना इंग्रजी भाषेचे ज्ञान असणे आवश्यक आहे.

३.      उमेदवारांचे वय २५ ते ४५ वर्ष असावे.

४.    उंची किमान ५ फूट / वजन किमान ४५ किलो असावे.

            जिल्ह्यातील जास्तीत जास्त इच्छुक पात्र उमेदवारांनी https://maharashtrainternational.com या अधिकृत संकेतस्थळाला भेट देऊन आपली माहिती सादर करावी.  अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्र, मालजीपुरा, स्टेशन रोड, छत्रपती संभाजीनगर या कार्यालयाशी प्रत्यक्ष अथवा या कार्यालयाच्या ०२४०- २९५४८५९ या दूरध्वनी क्रमांकावर सकाळी पावणे १० ते संध्या. सव्वा सहा. या कार्यालयीन वेळेत संपर्क साधावा,असे आवाहन करण्यात आले आहे.

०००००