एड्स जनजागृतीसाठी आज मॅरेथॉन स्पर्धा

 

औरंगाबाद, दि. 11 (जिमाका)-  युवकांमध्ये एचआयव्ही, एड्स विषयक जनजागृती व्हावी यासाठी आंतरराष्ट्रीय युवा दिनाचे औचित्य साधून  शनिवार दि.12 रोजी  जिल्हा एड्स प्रतिबंध व नियंत्रण पथक, जिल्हा रुग्णालय, व क्रिडा विभाग,डॉ.बाबासाहेब आंबेडकर मराठवाडा विद्यापीठ, औरंगाबाद यांच्या संयुक्त विद्यमाने 18 ते 25 वर्षे वयोगटातील विद्यार्थीनी व विद्यार्थ्यांकरीता मॅरेथॉन  स्पर्धेचे आयोजन करण्यात आले आहे.

रेड रिबन क्लब (RRC)  महाविद्यालयांचा या उपक्रमात सहभाग असून दि. 12 रोजी सकाळी 7 वा. डॉ.बाबासाहेब आंबेडकर मराठवाडा विद्यापीठाच्या क्रीडा विभागापासून स्पर्धा सुरु होईल. तेथून विद्यापीठ गेट, लिट्ल फ्लॉवर शाळा चौक मार्गे पुन्हा क्रीडा  विभाग, डॉ.बाबासाहेब आंबेडकर मराठवाडा विद्यापीठ येथे समारोप होईल. स्पर्धेतील विजेत्यांना पारितोषिके व प्रमाणपत्रे देऊन सन्मानित केले जाणार आहेत, असे आयोजकांनी कळविले आहे.

00000