जिल्हा माहिती कार्यालय छत्रपती संभाजीनगर

  छत्रपती संभाजीनगर, दि. ८ (जिमाका) -जिल्ह्यात तंबाखू नियंत्रण कायद्याची प्रभावी अंमलबजावणी करणे, शाळा व शैक्षणिक संस्थांचा परिसर तंबाखूमुक्त करा.तंबाखूजन्य पदार्थांच्या दुष्परिणामांबाबत व्यापक जनजागृती करा,असे निर्देश जिल्हाधिकारी विनय   गौडा जी.सी. यांनी आज   दिल्या. राष्ट्रीय तंबाखू नियंत्रण कार्यक्रमांतर्गत जिल्हास्तरीय समन्वय व सनियंत्रण समितीची बैठक जिल्हाधिकारी विनय गौडा जी. सी. यांच्या अध्यक्षतेखाली जिल्हाधिकारी कार्यालयात पार पडली. बैठकीस अतिरिक्त जिल्हा शल्यचिकित्सक डॉ. पद्मजा सराफ, अतिरिक्त जिल्हा आरोग्य अधिकारी छाया आवरगावकर, औद्योगिक सुरक्षा व आरोग्य संचालनालयाचे आकाश तळवलकर, अन्न व औषध प्रशासनाचे डी. व्ही. पाटील, कामगार अधिकारी अक्षय ठोकळ यांच्यासह आरोग्य, शिक्षण, पोलीस व अन्य संबंधित विभागांचे अधिकारी उपस्थित होते. जिल्हाधिकारी गौडा म्हणाले की, शाळा व शैक्षणिक संस्थांच्या परिसरात तंबाखूजन्य पदार्थांची विक्री होणार नाही, याची काटेकोर दक्षता घ्यावी. शैक्षणिक संस्थांच्या १०० यार्ड परिसरात तंबाखूजन्य पदार्थांच्या विक्रीस असलेल्या प्रतिबंधाची प्रभावी अंमलब...

  छत्रपती संभाजीनगर, दि.७(जिमाका)- जिल्ह्यात आढळलेल्या मराठा कुणबी, कुणबी मराठा नोंदींची माहिती जिल्ह्याच्या अधिकृत संकेतस्थळावर उपलब्ध आहे. तसेच मंडळस्तरावर शिबिरांचे आयोजन करुनही ही माहिती लोकांना पाहण्यासाठी उपलब्ध करुन दिली जाणार आहे, अशी माहिती जिल्हाधिकारी विनय गौडा जी.सी. यांनी दिली आहे.             दरम्यान प्रत्येक ग्रामपंचायतीच्या सुचना फलकावर त्या त्या गावातील याद्या प्रदर्शित कराव्या असे निर्देश राज्याचे जलसंपदा मंत्री तथा मराठा आरक्षण मंत्रीमंडळ उपसमितीचे अध्यक्ष डॉ. राधाकृष्ण विखे पाटील यांनी आज दुरदृष्यप्रणालीद्वारे दिले आहेत.             मराठा, मराठा कुणबी, कुणबी मराठा अशा जात नोंदींची माहिती जुन्या दस्तऐवजांवरुन सापडल्या आहेत. त्यांची संख्या जिल्ह्यात ५११३ आहे. तालुकानिहा या नोंदी याप्रमाणे, सोयगाव ३१, पैठण-१८४, वैजापूर-६८७, सिल्लोड- ३५७, गंगापुर-७६१, खुलताबाद-३४१,   फुलंब्री-२६१, छत्रपती संभाजीनगर-१०३९ व कन्नड-१४५२ इतक्या आहेत. या सर्व नोंदी व त...

  छत्रपती संभाजीनगर, दि. ७ (जिमाका)- पैठण तालुक्यातील मौजे ब्रम्हगाव (चतुर्थ फेरी) व मौजे हिरडपुरी (प्रथम फेरी) येथील शासकीय वाळू डेपोमधील शिल्लक वाळूसाठ्याची ई-निविदा व ई-ऑक्शन पद्धतीने लिलाव प्रक्रिया राबविण्यात येणार आहे, अशी माहिती तहसीलदार ज्योती पवार यांनी दिली आहे.             लिलावासाठी ऑनलाइन नोंदणी दि. ८ ते २२ सप्टेंबर २०२६ या कालावधीत करता येईल.   ऑनलाइन ई-अक्शन प्रक्रिया दि. २९ सप्टेंबर रोजी सकाळी ११ ते दुपारी ३ या वेळेत होणार आहे. लिलावाच्या सविस्तर अटी व शर्ती, हातची किंमत तसेच अन्य माहिती http://mahatenders.gov.in व https://chhatrapatisambhajinagar.maharashtra.gov.in या संकेतस्थळावर तसेच उपविभागीय अधिकारी पैठण-फुलंब्री व तहसील कार्यालय, पैठण येथे उपलब्ध आहे,असेही कळविण्यात आले आहे. 00000

  छत्रपती संभाजीनगर, दि.७(जिमाका) - राजे उमाजी नाईक यांच्या जयंतीनिमित्त आज जिल्हाधिकारी कार्यालयात त्यांचे प्रतिमापूजन करुन अभिवादन करण्यात आले. उपजिल्हाधिकारी विजय राऊत यांच्या हस्ते राजे उमाजी नाईक यांचे प्रतिमापूजन करुन अभिवादन करण्यात आले. जिल्हाधिकारी कार्यालयातील अधिकारी- कर्मचारी यावेळी उपस्थित होते. 00000

  छत्रपती संभाजीनगर, दि.७(जिमाका) - प्रत्येक घरी पाणीपुरवठा करणाऱ्या ‘जलजीवन मिशन ’ या योजनेअंतर्गत अनेक गावांमध्ये नळाद्वारे पाणी मिळत नसल्याच्या तक्रारी आहेत. अशा अपूर्ण कामांची चौकशी करुन संबंधितांवर कारवाई करा,असे निर्देश खा. संदिपान भुमरे यांनी आज येथे दिले.             जिल्हा विकास समन्वय व संनियंत्रण (दिशा) समितीची बैठक आज जिल्हाधिकारी कार्यालयाच्या नियोजन सभागृहात पार पडली. केंद्र शासनाच्या विविध योजनांचा आढावा या बैठकीत घेण्यात आला. अध्यक्षस्थानी खा. संदिपान भुमरे हे होते. तर सह अध्यक्ष खा. डॉ. कल्याण काळे, जिल्हा परिषद अध्यक्ष अविनाश गलांडे, विधान परिषद सदस्य सुहास शिरसाट, विधान सभा सदस्य आ.अब्दुल सत्तार, आ. रमेश बोरनारे, आ. प्रशांत बंब, आ. संजना जाधव, आ. विलास भुमरे तसेच जिल्हाधिकारी विनय गौडा जी.सी., मनपा आयुक्त अमोल येडगे, जिल्हा परिषदेचे प्रभारी मुख्य कार्यकारी अधिकारी वासुदेव सोळंके तसेच सर्व लोक प्रतिनिधी सदस्य, विभागप्रमुख अधिकारी आदी उपस्थित होते.          ...

    छत्रपती संभाजीनगर, दि. ७ (जिमाका)- विद्यार्थ्यांमध्ये टपाल तिकिटांचा संग्रह व अभ्यास अर्थात ‘फिलाटेली’ (Philately) या ज्ञानवर्धक छंदाची आवड निर्माण व्हावी, टपाल तिकिटांमधील अभिरुची व संशोधनाला प्रोत्साहन मिळावे,   याकरीता भारतीय डाक विभागाच्या वतीने ‘दीनदयाळ स्पर्श योजना २०२६-२७’ राबविण्यात येत आहे.               या योजनेंतर्गत लेव्हल-१ फिलाटेली लेखी प्रश्नमंजुषा (Philately Written Quiz) परीक्षा रविवार, दि. २७ सप्टेंबर २०२६ रोजी छत्रपती संभाजीनगर विभागामार्फत आयोजित करण्यात येणार आहे. टपाल तिकिटे ही केवळ पत्रव्यवहारासाठी वापरली जाणारी साधने नसून त्यातून देशाचा इतिहास, भूगोल, संस्कृती, कला, विज्ञान, वारसा, सामाजिक जीवन, राष्ट्रीय महत्त्वाच्या घटना तसेच विविध क्षेत्रांत उल्लेखनीय कार्य करणाऱ्या नामवंत व्यक्तींची माहिती मिळते. विद्यार्थ्यांनी टपाल तिकिटांचा संग्रह करण्याबरोबरच त्यांचा अभ्यास करावा आणि फिलाटेलीच्या माध्यमातून ज्ञानवृद्धी करावी, यासाठी भारतीय डाक विभागाकडून या योजनेद्वारे विद्यार्थ्यांना ...

    छत्रपती संभाजीनगर, दि. ७ (जिमाका)- जिल्हा उद्योग केंद्रामार्फत सुधारित बीजभांडवल योजना व जिल्हा उद्योग केंद्र कर्ज योजनेअंतर्गत सन २०२६-२७ या आर्थिक वर्षासाठी अर्जांचे वाटप करण्यात आले आहे. परिपूर्ण भरलेले अर्ज   दि. ३० सप्टेंबर रोजी सकाळी ११ ते दुपारी २ वाजेपर्यंत स्वीकारण्यात येणार आहेत. अर्ज सादर करण्यासाठी ही अखेरची मुदतवाढ देण्यात आली असून, त्यानंतर प्राप्त होणाऱ्या अर्जांचा विचार केला जाणार नाही,असे महाव्यवस्थापक, जिल्हा उद्योग केंद्र यांनी कळविले आहे. ०००००

छत्रपती संभाजीनगर, दि. ७ (जिमाका)- जवाहर नवोदय विद्यालयात शैक्षणिक वर्ष २०२७-२८ साठी इयत्ता ९ वी व ११ वीच्या रिक्त जागांवरील प्रवेशासाठी ‘लॅटरल एन्ट्री सिलेक्शन टेस्ट-२०२७’ आयोजित करण्यात आली आहे. ही प्रवेश परीक्षा शनिवार, दि. १० एप्रिल २०२७ रोजी होणार असून पात्र विद्यार्थ्यांनी दि. ३० सप्टेंबर पर्यंत ऑनलाइन अर्ज सादर करावेत, असे आवाहन करण्यात आले आहे. इयत्ता ९ वी प्रवेशासाठी पात्रता इयत्ता ९ वीच्या प्रवेशासाठी विद्यार्थी संबंधित जिल्ह्याचा मूळ रहिवासी असणे आवश्यक आहे. विद्यार्थी शैक्षणिक वर्ष २०२६-२७ मध्ये मान्यताप्राप्त शाळेत इयत्ता ८ वीमध्ये शिकत असावा. विद्यार्थ्याचा रहिवासी जिल्हा आणि इयत्ता ८ वीचे अध्ययनाचे ठिकाण एकाच जिल्ह्यात असणे आवश्यक आहे. तसेच विद्यार्थ्याची जन्मतारीख दि. १ मे २०१२ ते दि. ३१ जुलै २०१४ या कालावधीतील असावी. दोन्ही तारखांचा यामध्ये समावेश आहे. इयत्ता ९ वी प्रवेशासाठी ऑनलाइन अर्ज व अधिक माहितीसाठी https://cbseitms.nic.in/2026/nvsix_9 या संकेतस्थळाचा वापर करता येईल. इयत्ता ११ वी प्रवेशासाठी पात्रता इयत्ता ११ वीच्या प्रवेशासाठी विद्यार्थी संबंधित जिल...

    छत्रपती संभाजीनगर, दि. 4 (जिमाका) - चिकलठाणा सब पोस्ट ऑफिसच्या कामकाजासाठी चिकलठाणा परिसरात अंदाजे ८५० ते ९०० चौरस फूट क्षेत्रफळाची सुस्थितीतील इमारत पाच वर्षांच्या कालावधीसाठी भाडेतत्त्वावर घेणे प्रस्तावित आहे. इच्छुक इमारत मालकांनी आवश्यक कागदपत्रांसह सोमवार, दि. ७ सप्टेंबरपर्यंत लेखी प्रस्ताव सादर करावेत, असे आवाहन वरिष्ठ डाक अधीक्षक, छत्रपती संभाजीनगर विभाग यांनी केले आहे. इमारतीमध्ये स्वतंत्र स्वच्छतागृह, स्वतंत्र वीज मीटर तसेच पोस्ट ऑफिसच्या कामकाजासाठी आवश्यक मूलभूत सुविधा उपलब्ध असणे आवश्यक आहे. इच्छुक इमारत मालकांनी प्रस्तावासोबत मालमत्ता पत्र अथवा ८-अ नमुना, मंजूर नकाशा, अद्ययावत मालमत्ता कर पावती तसेच अन्य संबंधित कागदपत्रे जोडावीत. संपूर्ण प्रस्ताव वरिष्ठ डाक अधीक्षक, छत्रपती संभाजीनगर विभाग, छत्रपती संभाजीनगर हेड पोस्ट ऑफिस बिल्डिंग, जुना बाजार, छत्रपती संभाजीनगर-४३१००१ या पत्त्यावर दि. ७ सप्टेंबरपर्यंत सादर करावा, असे डाक विभागाने कळविले आहे. ०००००

· सहभागासाठी मंडळांना 7 सप्टेंबरपर्यंत अर्ज सादर करण्यास मुदत मुंबई, दि. 3 : महाराष्ट्र शासनाने गणेशोत्सवाला राज्य महोत्सवाचा दर्जा दिल्यानंतर या उपक्रमाचा विस्तार राष्ट्रीय व आंतरराष्ट्रीय स्तरावर केला आहे. 2026 च्या गणेशोत्सवात उत्कृष्ट सार्वजनिक गणेशोत्सव मंडळांना शासनाकडून पुरस्कार देण्यासाठी स्पर्धा आयोजित करण्यात आली आहे. महाराष्ट्रासह देशातील तसेच परदेशातील सामाजिक व विधायक उपक्रमांद्वारे गणेशोत्सव साजरा करणाऱ्या सार्वजनिक मंडळांनाही या स्पर्धेत सहभागी होता येणार आहे. या स्पर्धेत सहभागी होऊ इच्छिणाऱ्या सार्वजनिक गणेशोत्सव मंडळांनी 7 सप्टेंबर 2026 पर्यंत ऑनलाइन अर्ज सादर करावेत. अर्जासाठी https://ganeshotsav.pldmka.co.in/ या संकेतस्थळाचा वापर करावा. इच्छुक मंडळांनी विहित नमुन्यातील माहिती व आवश्यक कागदपत्रे सादर करून या स्पर्धेत सहभागी व्हावे, असे आवाहन मुंबई उपनगर जिल्हाधिकारी सौरभ कटियार यांनी केले आहे. यंदाचा गणेशोत्सव 14 सप्टेंबर 2026 पासून सुरू होत असून उत्कृष्ट सार्वजनिक गणेशोत्सव मंडळांची निवड करण्यासाठी जिल्हास्तरीय समित्या गठीत करण्यात आल्या आहेत. या समित्यांकडू...

  छत्रपती संभाजीनगर, दि. ३ (जिमाका)- राज्य शासनातर्फे उत्कृष्ट लघुउद्योग घटकांची निवड करून जिल्हा पुरस्काराने गौरविण्यात येते. सन २०२६ यावर्षासाठी उत्कृष्ट लघुउद्योग जिल्हा पुरस्कार योजनेअंतर्गत पात्र लघुउद्योजकांकडून दि. ३० ऑक्टोबर पर्यंत अर्ज मागविण्यात आले आहेत, असे जिल्हा उद्योग केंद्राच्या उप आयुक्त करुणा खरात यांनी कळविले आहे. पात्रतेचे निकषः- महाराष्ट्र शासनाच्या उद्योग आयुक्तालयांतर्गत जिल्हा उद्योग केंद्रामार्फत ही पुरस्कार योजना राबविण्यात येते. सन २०२६ च्या पुरस्कारासाठी दि. १ जानेवारी २०२६ पूर्वी स्थायी लघुउद्योग नोंदणी अथवा उद्यम नोंदणी झालेला आणि मागील दोन वर्षांपासून सलग उत्पादनात असलेला लघुउद्योग घटक पात्र राहील. तसेच संबंधित उद्योग घटक कोणत्याही वित्तीय संस्थेचा थकबाकीदार नसावा. पुरस्काराचे स्वरुपः- या पुरस्कारांतर्गत प्रथम क्रमांकाच्या विजेत्यास शाल, श्रीफळ व १५ हजार रुपये, तर द्वितीय क्रमांकाच्या विजेत्यास शाल, श्रीफळ व १० हजार रुपयांचे पारितोषिक देण्यात येणार आहे. आवश्यक कागदपत्रेः- इच्छुक उद्योजकांनी फोटोसह विहित नमुन्यातील अर्ज, उद्यम नोंदणी प्रमाणपत्र, मागी...

१४ केंद्रांवर ४ हजार ७५२ परीक्षार्थींची बैठक व्यवस्था छत्रपती संभाजीनगर, दि. ३ (जिमाका)- महाराष्ट्र लोकसेवा आयोग, मुंबई यांच्यामार्फत आयोजित मुंबईचे नगरपाल कार्यालयातील बेलिफ व लिपिक गट-क स्पर्धा परीक्षा-२०२६ रविवार, दि. ६ रोजी छत्रपती संभाजीनगर जिल्हा केंद्रावर घेण्यात येणार आहे. जिल्ह्यातील १४ शाळा व महाविद्यालयांतील परीक्षा केंद्रांवर एकूण ४ हजार ७५२ उमेदवारांची बैठक व्यवस्था करण्यात आली आहे. या परीक्षेसाठी ४८७ अधिकारी-कर्मचाऱ्यांची नियुक्ती करण्यात आली आहे, अशी माहिती उपजिल्हाधिकारी (सामान्य प्रशासन) संगीता राठोड यांनी दिली आहे. ही परीक्षा दोन सत्रांत होणार असून सकाळचे सत्र सकाळी ११ ते दुपारी १२ आणि दुपारचे सत्र दुपारी ३ ते ४ या वेळेत होईल.  परीक्षा केंद्र व परीक्षार्थी संख्या याप्रमाणे- १) मौलाना आझाद कला, विज्ञान आणि वाणिज्य महाविद्यालय, रोझाबाग, हर्सूल  रोड (विज्ञान इमारत), भाग-अ – ३१२. २) मौलाना आझाद कॉलेज ऑफ आर्ट्स, सायन्स अँड कॉमर्स, रोझाबाग, हरसूल रोड (टॉम पॅट्रिक बिल्डिंग), भाग-ब – ४८०. ३) श्रीमती वेणूताई चव्हाण कन्या प्रशाला, एन-८, सिडको – ३१२. ४) गोदावरी पब्लिक...

  छत्रपती संभाजीनगर, दि. २ (जिमाका)- बदलत्या माध्यमविश्वात पारंपरिक पत्रकारितेसोबत डिजिटल माध्यमांचे महत्त्व वाढले आहे. पत्रकारांनीही आता सोशल मीडिया व नवतंत्रज्ञानाचा प्रभावी वापर करावा. माहिती व जनसंपर्क विभागही बदलत्या माध्यम व्यवस्थेनुसार आपल्या कार्यपद्धतीत बदल करीत आहे, असे प्रतिपादन विभागीय माहिती कार्यालयाचे उपसंचालक प्रवीण टाके यांनी केले. छत्रपती संभाजीनगर विभागाचे नवनियुक्त उपसंचालक प्रवीण टाके यांची बुधवारी (दि.२) पत्रकार, संपादकांनी भेट घेतली. त्यानिमित्त दुपारी ४ वा. त्यांनी जिल्हाधिकारी कार्यालयातील समिती सभागृहात संवाद साधला. यावेळी जिल्हा माहिती अधिकारी डॉ. मिलिंद दुसाने, सहायक संचालक सुरेश पाटील, माहिती अधिकारी संजीवनी जाधव पाटील यांच्यासह विविध दैनिके, साप्ताहिक वृत्तपत्रांचे संपादक, प्रतिनिधी व पत्रकार उपस्थित होते.  नव्याने  रुजू झालेले उपसंचालक प्रवीण टाके तसेच सहायक संचालक सुरेश पाटील व माहिती अधिकारी संजीवनी जाधव पाटील यांनी यावेळी माध्यम प्रतिनिधींना आपली ओळख करून दिली.  कार्यक्रमाच्या प्रारंभी जिल्हा  माहिती अधिकारी डॉ. मिलिंद दु...

  छत्रपती संभाजीनगर, दि.२(जिमाका) -  मतदार याद्यांचे विशेष सखोल पुनरिक्षण कार्यक्रमात प्रारुप मतदार याद्यांच्या प्रसिद्धी पश्चात आता जुळवणी न झालेले, विसंगती  वा तफावत असणाऱ्या मतदार तपशिलाबाबत संबंधित प्रत्येक मतदाराला सुनावणीची संधी द्या.त्यांच्या मतदान हक्काचे संरक्षण करा. कोणताही पात्र मतदार वगळला जाणार नाही याची दक्षता घ्यावी, असे निर्देश जिल्हाधिकारी विनय गौडा जी.सी. यांनी आज दिले. मतदार यादीचे विशेष सखोल पुनरिक्षण कार्यक्रमाच्या पुढच्या म्हणजेच सुनावणीच्या टप्प्याबाबत मतदार नोंदणी अधिकारी, सहा. मतदार नोंदणी अधिकारी यांचे प्रशिक्षण आज जिल्हाधिकारी कार्यालयात पार पडले. अपर आयुक्त मनपा रणजीत पाटील,उपजिल्हा निवडणूक अधिकारी सविता चौधर, जिल्हा पुरवठा अधिकारी प्रवीण फुलारी, उपजिल्हाधिकारी रुपेश सिनगारे, नम्रता चाटे, डॉ. निलेश अपार, उपविभागीय अधिकारी संतोष गोरड, नीलम बाफना, डॉ. व्यंकट राठोड, अरुण जऱ्हाड तसेच सर्व सहा. मतदार नोंदणी अधिकारी आदी उपस्थित होते. डॉ. निलेश अपार यांनी साधन व्यक्ती म्हणून प्रशिक्षण दिले. त्यात प्रारुप मतदार यादी प्रसिद्धी नंतर राबवावयाच्या सुन...

  छत्रपती संभाजीनगर, दि. २ (जिमाका)- छत्रपती संभाजीनगर रेल्वे स्टेशन सब पोस्ट ऑफिसच्या कामकाजासाठी रेल्वे स्टेशन परिसरात अंदाजे ३८७ चौरस फूट क्षेत्रफळाची सुस्थितीतील इमारतीची आवश्यकता आहे. त्यासाठी सुस्थितीतील इमारत  पाच वर्षांच्या कालावधीसाठी भाडेतत्त्वावर घेणे प्रस्तावित आहे. इच्छुक इमारत मालकांनी आवश्यक कागदपत्रांसह दि. ७ पर्यंत लेखी प्रस्ताव सादर करावेत, असे आवाहन वरिष्ठ डाक अधीक्षक, छत्रपती संभाजीनगर विभाग यांनी केले आहे.इमारतीत स्वतंत्र स्वच्छतागृह, स्वतंत्र वीज मीटर तसेच पोस्ट ऑफिसच्या कामकाजासाठी आवश्यक मूलभूत सुविधा उपलब्ध असणे आवश्यक आहे.  इच्छुक इमारत मालकांनी प्रस्तावासोबत मालमत्ता पत्र अथवा ८-अ नमुना, मंजूर नकाशा, अद्ययावत मालमत्ता कर पावती तसेच अन्य संबंधित कागदपत्रे जोडावीत. संपूर्ण प्रस्ताव वरिष्ठ डाक अधीक्षक, छत्रपती संभाजीनगर विभाग, छत्रपती संभाजीनगर हेड पोस्ट ऑफिस बिल्डिंग, जुना बाजार, छत्रपती संभाजीनगर-४३१००१ या पत्त्यावर दि. ७ पर्यंत सादर करावा, असे डाक विभागाने कळविले आहे. ०००००

छत्रपती संभाजीनगर, दि. २ (जिमाका)- टपाल विभागातील सेवांबद्दल असलेल्या तक्रारींचे निवारण करण्यासंदर्भात सोमवार दि.७  रोजी  डाक अदालतीचे आयोजन करण्यात आले आहे. छत्रपती संभाजीनगर डाक विभागाच्या सेवांबाबत तक्रारींचे निवारण सहा आठवड्यांच्या आत झाले नसेल अशा तक्रारींची दखल या डाक अदालत मध्ये घेतली जाते. तरी संबंधितांनी आपली डाक सेवेबाबतची तक्रार दि.४ पर्यंत  प्रवर अधीक्षक, डाकघर, छत्रपती संभाजीनगर विभाग, छत्रपती संभाजीनगर-४३१००१ यांच्या नावे दोन प्रतित पाठवावी. नंतर प्राप्त तक्रारींची दखल घेतली जाणार नाही, असे प्रवर अधीक्षक डाकघर छत्रपती संभाजीनगर विभाग यांनी कळविले आहे. ०००००

  छत्रपती संभाजीनगर , दि.२(जिमाका ) -    मतदार याद्यांचे विशेष सखोल पुनरिक्षण कार्यक्रमात प्रारुप मतदार याद्यांच्या प्रसिद्धी पश्चात आता जुळवणी न झालेले, विसंगती  वा तफावत असणाऱ्या मतदार तपशिलाबाबत संबंधित प्रत्येक मतदाराला सुनावणीची संधी द्या.त्यांच्या मतदान हक्काचे संरक्षण करा. कोणताही पात्र मतदार वगळला जाणार नाही याची दक्षता घ्यावी, असे निर्देश जिल्हाधिकारी विनय गौडा जी.सी. यांनी आज दिले.             मतदार यादीचे विशेष सखोल पुनरिक्षण कार्यक्रमाच्या पुढच्या म्हणजेच सुनावणीच्या टप्प्याबाबत मतदार नोंदणी अधिकारी, सहा. मतदार नोंदणी अधिकारी यांचे प्रशिक्षण आज जिल्हाधिकारी कार्यालयात पार पडले. अपर आयुक्त मनपा रणजीत पाटील,उपजिल्हा निवडणूक अधिकारी सविता चौधर, जिल्हा पुरवठा अधिकारी प्रवीण फुलारी, उपजिल्हाधिकारी रुपेश सिनगारे, नम्रता चाटे, डॉ. निलेश अपार, उपविभागीय अधिकारी संतोष गोरड, नीलम बाफना, डॉ. व्यंकट राठोड, अरुण जऱ्हाड तसेच सर्व सहा. मतदार नोंदणी अधिकारी आदी उपस्थित होते.       ...

छत्रपती संभाजीनगर, दि.२ (जिमाका)- दर महिन्याच्या पहिल्या सोमवारी जिल्हास्तरीय लोकशाही दिन आयोजित केला जातो. सप्टेंबर महिन्यासाठी लोकशाही दिन हा सोमवार दि.७ रोजी दुपारी १२ वा. जिल्हाधिकारी कार्यालयात आयोजित करण्यात आला आहे, असे उपजिल्हाधिकारी (सामान्य प्रशासन) श्रीमती संगीता राठोड यांनी कळविले आहे. नागरिकांनी आपले अर्ज, निवेदने दि.७ रोजी सकाळी ११ ते १२ या वेळात दाखल करावे. अर्ज विहित नमुन्यात असावा. तक्रार वैयक्तिक असावी. तालुकास्तरीय लोकशाही दिनात अर्ज दाखल केला असल्यास त्याची पोहोच सोबत आणावी. तसेच न्याय प्रविष्ठ प्रकरण, राजस्व अपिल, सेवाविषयक व आस्थापनाविषयक व लोकशाही दिनात यापूर्वी दाखल केलेले अर्ज स्वीकारले जाणार नाहीत, असेही स्पष्ट करण्यात आले आहे.

छत्रपती संभाजीनगर  दि. २ (जिमाका)-आदिवासी विकास विभागाच्या अपर आयुक्त कार्यालय, अमरावती यांच्या अधिनस्त शासकीय आश्रमशाळांमधील शिक्षक संवर्गातील ४६८ रिक्त पदांची भरती ‘पवित्र’ (PAVITRA) पोर्टलद्वारे राबविण्यात येत आहे. या भरती प्रक्रियेत शिफारसप्राप्त २९६ उमेदवारांच्या मूळ कागदपत्रांची पडताळणी  गुरुवार दि. ३ ते शनिवार दि.५ सप्टेंबर दरम्यान करण्यात येणार आहे. आदिवासी विकास विभागाच्या संकेतस्थळावरही अमरावती विभागातील पवित्र पोर्टल शिक्षक भरती व शिफारसप्राप्त उमेदवारांच्या कागदपत्र पडताळणीची सूचना प्रसिद्ध करण्यात आली आहे. कागदपत्रे व प्रमाणपत्रांची पडताळणी अपर आयुक्त, आदिवासी विकास, अमरावती यांच्या कार्यालयात करण्यात येणार आहे. उमेदवारांनी त्यांच्यासाठी निश्चित करण्यात आलेल्या दिनांक व वेळेनुसार पडताळणीस उपस्थित राहावे, असे आवाहन अपर आयुक्त, आदिवासी विकास, अमरावती यांच्या कार्यालयाने केले आहे. पदनिहाय व माध्यमनिहाय शिफारसप्राप्त उमेदवारांची यादी तसेच कागदपत्र पडताळणीचे सविस्तर वेळापत्रक आदिवासी विकास विभागाच्या संकेतस्थळावर प्रसिद्ध करण्यात आले आहे. संबंधित उमेदवारांनी संकेतस्थ...

छत्रपती संभाजीनगर, दि.२(जिमाका) -  पोलीस आयुक्त छत्रपती संभाजीनगर कार्यक्षेत्रात विमानतळाच्या आजुबाजुच्या परिसरात असणारे फार्म हाउस, मंगल कार्यालय येथील विवाह सोहळा तसेच अन्य सामाजिक कार्यक्रमामध्ये लेझर लाईटस, बीम लाईटसच्या वापरावर  दि.४ सप्टेंबर ते २ नोव्हेंबर २०२६ पर्यंतच्या कालावधीसाठी बंदी घालण्याचे आदेश पोलीस आयुक्त प्रवीण पवार यांनी निर्गमित केले आहेत. भारतीय नागरिक सुरक्षा संहितेचे कलम १६३ (१) व (३) अन्वये प्राप्त अधिकाराचा वापर करुन पोलीस आयुक्त प्रवीण पवार यांनी जारी केलेल्या आदेशात म्हटले आहे की, पोलीस आयुक्तालय हद्दीतील सर्व फार्म हाऊस, मंगल कार्यालय, विवाह सोहळा, सामाजिक कार्यक्रम इ. च्या आयोजक, मालक यांनी लेझर लाईट्स, बीम लाईट्स याचा वापर करु नये. कारण अशा वापर केल्यामुळे पायलटच्या दृष्यात अडथळा निर्माण होऊन लॅंडीग व टेकऑफ करण्यापूर्वी लक्ष विचलित होऊन दुर्घटना होण्याची शक्यता नाकारता येत नाही. या आदेशाचे उल्लघंन करणाऱ्यावर भारतीय न्याय संहितेचे कलम २२३ अन्वये व प्रचलित कायद्यानुसार कायदेशीर कारवाई करण्यात येईल व तो शिक्षेस पात्र राहील,असेही आदेशात स्पष्ट केले आह...