जिल्हा माहिती कार्यालय छत्रपती संभाजीनगर

  #सेवा संकल्प अभियान अंतर्गत 2 ऑक्टोबर रोजी ग्रामसभेत घ्यावयाची जल प्रतिज्ञा

  छत्रपती संभाजीनगर, दि. ३० (जिमाका) : ‘सेवा संकल्प अभियान’ अंतर्गत गंगापूर येथे बचत गटातील महिलांसाठी महिला मेळाव्याचे आयोजन करण्यात आले. या मेळाव्यात ७०० हून अधिक महिलांनी उत्स्फूर्त सहभाग नोंदविला. मेळाव्यात महिलांच्या आरोग्य व पोषणविषयक जनजागृती, महिला शेतकरी नोंदणी तसेच महिलांसाठी राबविण्यात येणाऱ्या विविध शासकीय योजना व त्यांचा लाभ घेण्याच्या प्रक्रियेबाबत मार्गदर्शन करण्यात आले. कार्यक्रमाचे उद्घाटन जान्हवी शेखर (भा.पो.से.) यांच्या हस्ते झाले. यावेळी गंगापूरचे नगराध्यक्ष संजयजी जाधव, तालुका कृषी अधिकारी जयभाये, दीपक गवळे, पोलीस विभागाचे पाटील, सुरेखा उटे, तेजस्विनी लोकसंचालित साधन केंद्राच्या अध्यक्षा चंदनसिंग राठोड, जिल्हा समन्वय अधिकारी मार्विन यांच्यासह संबंधित विभागांचे अधिकारी व पदाधिकारी उपस्थित होते. मेळाव्याच्या व्यवस्थापनाची जबाबदारी सुनीता सहाणे यांनी सांभाळली. महिला बचत गटांच्या माध्यमातून महिलांचे आर्थिक व सामाजिक सक्षमीकरण करण्याबरोबरच आरोग्य, पोषण, कृषी व शासकीय योजनांविषयी जागरूकता वाढविण्यावर या मेळाव्यात भर देण्यात आला.

छत्रपती संभाजीनगर दि.२९(जिमाका)- लेखा व कोषागारे संचालनालय, महाराष्ट्र राज्य, मुंबई आणि वरिष्ठ कोषागार कार्यालय, छत्रपती संभाजीनगर यांच्या संयुक्त विद्यमाने जिल्ह्यातील सर्व आहरण व संवितरण अधिकारी तसेच निवृत्तीवेतनधारक व कुटुंब निवृत्तीवेतनधारकांसाठी ‘Maha-UPLABDHI’ मोबाईल ॲपबाबत मंगळवार दि.६ ऑक्टोंबर रोजी मार्गदर्शन कार्यशाळेचे आयोजन करण्यात आले आहे. मंगळवार दि. ६ ऑक्टोबर रोजी सकाळी सव्वा दहा ते दु.२ वाजेपर्यंत जिल्हाधिकारी कार्यालय, छत्रपती संभाजीनगर येथे होणार आहे. कार्यशाळेत ‘Maha-UPLABDHI’ मोबाईल ॲपचा वापर व त्यासंदर्भातील आवश्यक बाबींविषयी मार्गदर्शन करण्यात येणार आहे. जिल्ह्यातील सर्व आहरण व संवितरण अधिकारी तसेच निवृत्तीवेतनधारक व कुटुंब निवृत्तीवेतनधारकांनी या कार्यशाळेस उपस्थित राहून मार्गदर्शनाचा लाभ घ्यावा, असे आवाहन वरिष्ठ कोषागार कार्यालय, छत्रपती संभाजीनगर यांच्या वतीने करण्यात आले आहे.        ०००००

                                                                                                   मतदान केंद्रांवरील मूलभूत सुविधांची प्रत्यक्ष पाहणी करा – जिल्हाधिकारी विनय गौडा जी. सी. छत्रपती संभाजीनगर, दि. २९ (जिमाका) : औरंगाबाद विभाग पदवीधर मतदारसंघ निवडणूक-२०२६ ची प्रक्रिया शांततापूर्ण, पारदर्शक व सुरळीत पार पाडण्यासाठी सर्व नोडल अधिकारी व संबंधित यंत्रणांनी त्यांच्यावर सोपविलेली जबाबदारी काटेकोरपणे आणि वेळेत पार पाडावी. निवडणूक कामकाजात कोणत्याही प्रकारची दिरंगाई खपवून घेतली जाणार नाही, असे निर्देश जिल्हाधिकारी तथा सहायक निवडणूक निर्णय अधिकारी विनय गौडा जी. सी. यांनी दिले. जिल्हाधिकारी कार्यालयात आज पदवीधर मतदारसंघ निवडणुकीच्या पूर्वतयारीचा आढावा घेण्यासाठी सर्व नोडल अधिकारी, तहसीलदार व संबंधित विभागप्रमुखांची बैठक जिल्हाधिकारी श्री....

छत्रपती संभाजीनगर, दि. २९ (जिमाका) : श्री घृष्णेश्वर मंदिर, वेरुळ येथील विकास आराखड्यांतर्गत मंदिरासमोरील राज्य मार्ग क्र. २१६ (खुलताबाद जंक्शन ते वेरुळ) येथे भुयारी मार्गाचे बांधकाम करण्यात येणार आहे. या कामाच्या अनुषंगाने सुरक्षिततेच्या दृष्टीने या मार्गावरील सर्व जड वाहतूक दि. २९ सप्टेंबर २०२६ रोजी रात्री १२.०१ वाजेपासून ते दि. २९ मार्च २०२७ रोजी रात्री १२ वाजेपर्यंत बंद ठेवण्याचे आदेश प्रभारी पोलीस अधीक्षक प्रशांत स्वामी यांनी दिले आहेत. भुयारी मार्गाचे काम राज्य मार्ग क्र. २१६ ला छेदून होणार असल्याने बांधकाम कालावधीत उत्खनन व संरचनात्मक कामे करण्यात येणार आहेत. त्यामुळे वाहतुकीच्या सुरक्षिततेसाठी जड वाहनांची वाहतूक पर्यायी मार्गाने वळविण्यात आली आहे. पर्यायी वाहतूक मार्ग: कन्नड ते वेरुळ-खुलताबाद-दौलताबादमार्गे छत्रपती संभाजीनगरकडे येणारी जड वाहने कसाबखेडा फाटा-वरझडी-माळीवाडा-शरणापूर फाटामार्गे छत्रपती संभाजीनगरकडे जातील. फुलंब्री-खुलताबाद-वेरुळमार्गे कन्नड व चाळीसगावकडे जाणारी वाहने छत्रपती संभाजीनगर-शरणापूर फाटा-माळीवाडा-वरझडी-कसाबखेडा फाटा-वेरुळमार्गे कन्नड व चाळीसगावकडे जातील. ...

छत्रपती संभाजीनगर, दि. २९ (जिमाका) : ‘भटके-विमुक्त हक्क व प्रमाणपत्र अभियान’ अंतर्गत अंभई मंडळातील वसंतराव नाईक आश्रम शाळा, शिरसाळा तांडा येथे विशेष शिबिराचे आयोजन करण्यात आले. या शिबिराला विविध शासकीय विभागांचे अधिकारी, कर्मचारी तसेच ग्रामस्थांचा उत्स्फूर्त प्रतिसाद मिळाला. शिबिरामध्ये विमुक्त जाती व भटक्या जमातीतील नागरिकांना विविध शासकीय योजना, हक्क तसेच आवश्यक प्रमाणपत्रांबाबत माहिती व मार्गदर्शन करण्यात आले. संबंधित विभागांच्या अधिकारी-कर्मचाऱ्यांनी नागरिकांना आवश्यक सेवांचा लाभ मिळवून देण्यासाठी सहकार्य केले. यावेळी पुरवठा अधिकारी बळीराम मुंडे, दुय्यम निबंधक सिल्लोड कार्यालयाचे प्रतिनिधी, इतर मागास बहुजन कल्याण विभागाचे निरीक्षक संतोष वाघ, कृषी सहाय्यक अधिकारी, मंडळ अधिकारी विजय शेळके, ग्राम महसूल अधिकारी अजित बनसोडे, विपुल संतापे, प्रशांत पारद्ये, निलेश देशमुख, कृष्णा देशमुख, अंभई केंद्रप्रमुख, शिरसाळा तांडा ग्रामपंचायत अधिकारी उपस्थित होते. तसेच महा-ई-सेवा केंद्र अंभईचे संजय भगुरे, आरोग्य उपकेंद्रातील अधिकारी-कर्मचारी, बीट पर्यवेक्षिका, आधार केंद्र आमठाणाचे भास्कर पारडे यांच्या...

  छत्रपती संभाजीनगर, दि. २९ (जिमाका) : ‘सेवा संकल्प अभियान’ अंतर्गत गंगापूर तालुक्यातील माळी वडगाव येथे टोमॅटो पिकावरील चुरडा व मुरडा रोगाचे व्यवस्थापन, दुष्काळी परिस्थितीत पिकांची निगा, उपलब्ध पाण्याचा सुयोग्य वापर तसेच कीटकनाशकांची फवारणी करताना घ्यावयाची काळजी याबाबत शेतकऱ्यांना मार्गदर्शन करण्यात आले. ग्रामपंचायत माळी वडगाव येथे दि. २८ सप्टेंबर रोजी जिल्हा परिषद छत्रपती संभाजीनगर, पंचायत समिती गंगापूर, कृषी विभाग महाराष्ट्र शासन आणि कृषी विज्ञान केंद्र, छत्रपती संभाजीनगर यांच्या संयुक्त विद्यमाने शेतकऱ्यांसाठी मार्गदर्शन शिबिर व कार्यशाळेचे आयोजन करण्यात आले. यावेळी उपविभागीय कृषी अधिकारी आनंद गंजेवार, जिल्हा परिषदेचे कृषी विकास अधिकारी प्रकाश पाटील, कृषी विज्ञान केंद्राच्या संजुला भावर तसेच तालुका कृषी अधिकारी जायभाय यांनी शेतकऱ्यांना विविध विषयांवर सविस्तर मार्गदर्शन केले. टोमॅटो पिकावरील रोग व किडींचे वेळेत व्यवस्थापन करण्याबरोबरच दुष्काळी परिस्थितीत उपलब्ध पाण्याचे काटेकोर नियोजन करून पिकांची योग्य निगा राखावी. तसेच कीटकनाशकांची फवारणी करताना आवश्यक सुरक्षात्मक उपाययोजनांचे...

  छत्रपती संभाजीनगर, दि. २९ (जिमाका) : भारतीय सैन्यदल, नौदल व वायुदलामध्ये अधिकारी पदावर भरती होऊ इच्छिणाऱ्या पात्र युवक-युवतींसाठी महाराष्ट्र शासनाच्या वतीने सर्व्हिसेस सिलेक्शन बोर्ड (SSB) परीक्षेचे मोफत पूर्व प्रशिक्षण आयोजित करण्यात आले आहे. छात्रपूर्व प्रशिक्षण केंद्र, नाशिक रोड, नाशिक येथे दि. १९ ते २८ ऑक्टोबर २०२६ या कालावधीत एसएसबी कोर्स क्र. ६७ आयोजित करण्यात येणार आहे. निवड झालेल्या प्रशिक्षणार्थींनी दि. १८ ऑक्टोबर रोजी सकाळी १० वाजता छात्रपूर्व प्रशिक्षण केंद्र, नाशिक रोड येथे उपस्थित राहावे. प्रशिक्षण कालावधीत प्रशिक्षणार्थींना निःशुल्क प्रशिक्षण, निवास व भोजनाची सुविधा उपलब्ध करून देण्यात येणार आहे. छत्रपती संभाजीनगर जिल्ह्यातील इच्छुक व पात्र उमेदवारांनी दि. १८ ऑक्टोबर रोजी जिल्हा सैनिक कल्याण कार्यालय, छत्रपती संभाजीनगर येथे मुलाखतीस उपस्थित राहावे. उमेदवारांनी सैनिक कल्याण विभाग, पुणे यांच्या संकेतस्थळावरील एसएसबी-६७ कोर्सचे प्रवेशपत्र व त्यासोबतची परिशिष्टे प्रिंट करून पूर्ण भरलेल्या स्वरूपात सोबत आणावीत. प्रशिक्षणासाठी पात्रता उमेदवाराने पुढीलपैकी कोणतीही एक पात्र...

  छत्रपती संभाजीनगर, दि. २९ (जिमाका) : दर महिन्याच्या पहिल्या सोमवारी आयोजित करण्यात येणारा जिल्हास्तरीय लोकशाही दिन सोमवार, दि. ५ ऑक्टोबर रोजी आयोजित करण्यात येतो  तथापि, औरंगाबाद विभाग पदवीधर मतदारसंघ निवडणूक-२०२६ ची आदर्श आचारसंहिता लागू असल्याने दि. ५ ऑक्टोबर रोजीचा जिल्हास्तरीय लोकशाही दिन रद्द करण्यात आला आहे. याची नागरिकांनी नोंद घ्यावी, असे उपजिल्हाधिकारी (सामान्य शाखा) श्रीमती संगीता राठोड यांनी कळविले आहे.

  सेवा संकल्प अभियानांतर्गत ‘महिला शेतकरी प्रमाणपत्र’ वितरण १७ सप्टेंबर ते १७ ऑक्टोबर २०२६ #महिलाशेतकरी #सेवासंकल्पअभियान२०२६

  छत्रपती संभाजीनगर, दि. २८ (जिमाका) : ‘सेवा संकल्प अभियान’ अंतर्गत फुलंब्री तालुक्यातील आयुष्मान आरोग्य मंदिर, खामगाव येथे अभियानाचा शुभारंभ करण्यात आला. अभियानाचे उद्घाटन गावातील प्रतिष्ठित नागरिक मोईन चांद शेख यांच्या हस्ते झाले. यावेळी खामगावचे सरपंच सोमीनाथ पाटील सोनवणे, उपसरपंच मनोहर सोनवणे यांच्यासह गावातील मान्यवर उपस्थित होते. समुदाय आरोग्य अधिकारी डॉ. साजिद शेख यांनी ‘सेवा संकल्प अभियानाचा’ उद्देश, नागरिकांसाठी उपलब्ध आरोग्य सेवा तसेच अभियानांतर्गत राबविण्यात येणाऱ्या विविध आरोग्यविषयक उपक्रमांची माहिती दिली. अभियानाच्या माध्यमातून नागरिकांना प्रतिबंधात्मक, प्रोत्साहनात्मक व आवश्यक आरोग्य सेवा नजीकच्या आरोग्य संस्थेत उपलब्ध करून देण्यासह आरोग्यविषयक जनजागृतीवर विशेष भर देण्यात येणार असल्याचे त्यांनी सांगितले. यावेळी आरोग्य सेविका सुरेखा पाटील, आरोग्य सेवक सुनील गांधिले, आशा कार्यकर्त्या, अंगणवाडी सेविका तसेच ग्रामस्थ उपस्थित होते.

  छत्रपती संभाजीनगर, दि. २८ (जिमाका)-  कृषी पर्यटन ही पर्यटनाला नवीन आयाम देणारी संकल्पना असून मराठवाड्यातही तिला चांगला वाव आहे. कृषी पर्यटनाच्या माध्यमातून शहरी भागातील लोकांना ग्रामीण जीवनाची अनुभूती देता येते, त्यासाठी अभिनव संकल्पना राबवाव्या असे आवाहन विभागीय आयुक्त जी. श्रीकांत यांनी केले. महाराष्ट्र पर्यटन संचालनालयाच्या प्रादेशिक पर्यटन कार्यालय, छत्रपती संभाजीनगर यांच्या वतीने जागतिक पर्यटन दिनाच्या पूर्वसंध्येला  करोडी येथील विसावा कृषी पर्यटन केंद्रात कृषी पर्यटन, आई योजना,पर्यटन योजना, होमस्टे आणि शाश्वत पर्यटन योजनांवर कार्यशाळा घेण्यात आली. यावेळी कार्यक्रमाच्या अध्यक्षस्थानी विभागीय आयुक्त जी. श्रीकांत होते.जिल्हा परिषदेच्या मुख्य कार्यकारी अधिकारी पी. एम. मिनू, एमटीडीसीचे महाव्यवस्थापक चंद्रशेखर जायस्वाल, मुख्य वक्ते महाराष्ट्र कृषी पर्यटन चे जनक पांडुरंग तावरे, मनोज हडोळे,पुरातत्व विभागाचे अरूण मलिक, डॉ.राजेश रगडे , डॉ.सुभाष जाधव,पर्यटन संचालनालयाचे प्रादेशिक उपसंचालक विजय जाधव, एम टी डी सी च्या अंजली बडवे यांची प्रमुख उपस्थिती होती.  यावेळी जी....

छत्रपती संभाजीनगर, दि. २८ (जिमाका) - औरंगाबाद विभाग पदवीधर मतदारसंघ निवडणूक-२०२६ चा कार्यक्रम जाहीर झाल्याने दि. २२ सप्टेंबरपासून निवडणूक प्रक्रिया पूर्ण होईपर्यंत जिल्ह्यात आदर्श आचारसंहिता लागू आहे. निवडणूक प्रक्रिया शांततापूर्ण, निर्भय व सुरळीत पार पाडण्यासाठी कायदा व सुव्यवस्था तसेच आवश्यक सुरक्षा उपाययोजनांची प्रभावी अंमलबजावणी करण्याचे आदेश जिल्हाधिकारी तथा सहायक निवडणूक निर्णय अधिकारी विनय गौडा जी. सी. यांनी दिले आहेत. ध्वनीक्षेपक  वापरावर निर्बंध निवडणूक आचारसंहिता कालावधीत पोलीस अधिकाऱ्यांच्या परवानगीशिवाय ध्वनीक्षेपकाचा वापर करता येणार नाही. सकाळी ६ ते रात्री १० वा. नंतर कोणत्याही फिरत्या वाहनावर वा कोणत्याही क्षेत्रात ध्वनीक्षेपकाचा वापर करता येणार नाही. सर्व राजकीय पक्ष आणि उमेदवार, इतर व्यक्ती यांनी निश्चित ठिकाणी ध्वनीक्षेपकाचा वापर  करावा, त्यासाठी परवानगी घ्यावी व त्याची माहिती निवडणूक निर्णय अधिकाऱ्यांना द्यावी,असे आदेश जिल्हाधिकारी विनय गौडा जी.सी. यांनी निर्गमित केले आहेत. हे आदेश दि.२५ जून पर्यंत अंमलात राहतील असेही त्यांनी स्पष्ट केले आहे. पोस्टर्स, बॅनर्स...

  छत्रपती संभाजीनगर, दि. २८ (जिमाका)-  येथील समाजसेवक विकास चौधरी यांनी  मुख्यमंत्री सहायता निधीसाठी मदत म्हणून २१ हजार रुपयांचा धनादेश आज जिल्हाधिकारी विनय गौडा जी.सी. यांच्याकडे सुपूर्द केला. दुष्काळी पार्श्वभुमिवर त्यांनी हा मदतीचा धनादेश दिला आहे. त्यांच्या समवेत सामाजिक कार्येकर्ते वसंतराज वक्ते हे उपस्थित होते. ०००००

  छत्रपती संभाजीनगर, दि. २८ (जिमाका)-  दुष्काळी स्थितीत विभागातील तलावांमधील गाळ काढण्याचे काम केल्यास तलावांची पातळी वाढून मत्स्योत्पादन वाढेल. त्यामुळे तलावांमधील गाळ काढण्याची कामे प्राधान्याने पूर्ण करावीत,असे निर्देश राज्याचे मत्स्यव्यवसाय व बंदरे मंत्री नितेश राणे यांनी आज दिले. दुष्काळी पार्श्वभुमिवर कन्नड तालुक्यातील शिवणाटाकळी येथील तलावाची आज पाहणी करून मच्छीमार बांधवांशी संवाद साधला. त्यानंतर त्यांना जालना जिल्ह्यातील तलावांची पाहणी केली व तेथील मच्छिमार बांधवांशी संवाद साधला. त्यानंतर श्री. राणे यांनी जिल्हाधिकारी कार्यालयात बैठकीत आढावा घेतला. बैठकीस मत्स्यआयुक्त भानुदास पालवे, सह आयुक्त (भूजल) ऋता दीक्षित, प्रादेशिक आयुक्त सुरेश भारती, सहाय्यक आयुक्त माधुरिमा जाधव, जिल्हा अग्रणी बॅंक व्यवस्थापक प्रेषित मोघे, जलसंपदा व जलसंधारण विभागांचे अधिकारी  तसेच बीड, जालना, परभणी, छत्रपती संभाजीनगर येथील अधिकारी उपस्थित होते. बैठकीत माहिती देण्यात आली की, विभागातील ३७ तालुक्यांमध्ये ३८६ पाटबंधारे तलाव आहेत. ३८९ मत्स्यव्यवसाय सहकारी संस्था कार्यरत असून त्याचे १५२७६स...

छत्रपती संभाजीनगर, दि. २८ (जिमाका) -कायदा व सुव्यवस्था अबाधित राखण्यासाठी तसेच संभाव्य घातपाती कारवायांना प्रतिबंध करण्याच्या दृष्टीने छत्रपती संभाजीनगर पोलीस आयुक्तालयाच्या कार्यक्षेत्रात ड्रोन, रिमोट कंट्रोल्ड मायक्रो-लाइट एअरक्राफ्ट, पॅराग्लायडर, पॅरामोटर्स, हॅण्ड ग्लायडर्स, हॉट एअर बलून आदींच्या उड्डाणास दि. २८ सप्टेंबर ते २६ नोव्हेंबर  याकालावधीत प्रतिबंध करण्यात आला आहे. पोलीस आयुक्त तथा कार्यकारी दंडाधिकारी प्रवीण पवार यांनी भारतीय नागरिक सुरक्षा संहिता, २०२३ च्या कलम १६३ अन्वये हे आदेश जारी केले आहेत. पोलिसांकडून करण्यात येणारी हवाई पाळत तसेच पोलीस आयुक्तांच्या विशिष्ट परवानगीने होणाऱ्या उड्डाणांना यातून वगळण्यात आले आहे. आदेशाचे उल्लंघन करणाऱ्यांविरुद्ध भारतीय न्याय संहिता, २०२३ च्या कलम २२३ अन्वये कारवाई करण्यात येईल, असे आदेशात नमूद करण्यात आले आहे. ०००००

 सेवा संकल्प अभियान’ अंतर्गत फुलंब्री तालुक्यातील वाहेगाव उपकेंद्राच्या अंगणवाडी क्र. २ येथे SAM-MAM बालकांची आरोग्य तपासणी करण्यात आली. यावेळी बालकांच्या पोषणस्थितीचा आढावा घेऊन आवश्यक आरोग्य व पोषणविषयक मार्गदर्शन करण्यात आले. #सेवा_संकल्प_अभियान #बालआरोग्य #पोषण #फुलंब्री

  खुलताबाद : माननीय तालुका आरोग्य अधिकारी डॉ. समाधान राऊत सर यांच्या मार्गदर्शनाखाली ‘सेवा संकल्प अभियान’ अंतर्गत पंचायत समिती कार्यालय, खुलताबाद येथे महिलांसाठी आयोजित करण्यात आलेल्या कार्यशाळेदरम्यान आरोग्य शिबिराचे आयोजन करण्यात आले. पंचायत समिती व तालुका आरोग्य अधिकारी कार्यालय यांच्या वतीने महिलांसाठी ही कार्यशाळा आयोजित करण्यात आली होती. या कार्यशाळेस मा. तहसिलदार साहेब व पंचायत समितीमधील अधिकारी / कर्मचारी तसेच इतर नागरिक उपस्थित होते. यावेळी मा. तालुका आरोग्य अधिकारी डॉ. समाधान राऊत सर यांनी स्वच्छता, संसर्गजन्य आजार तसेच इतर आजारांबाबत माहिती दिली. तसेच आजारांपासून बचाव करण्यासाठी घ्यावयाची काळजी, आरोग्यविषयक उपाययोजना आणि विविध शासकीय आरोग्य योजना व उपलब्ध आरोग्य सुविधांबाबत मार्गदर्शन केले. कार्यशाळेच्या ठिकाणी आयोजित आरोग्य शिबिरामध्ये उपस्थित महिलांची रक्तदाब (BP), रक्तातील साखर (शुगर/डायबिटीस) तसेच आवश्यक रक्त तपासण्या करण्यात आल्या. तपासणीनंतर आवश्यकतेनुसार मोफत औषधोपचार व गोळ्या देण्यात आल्या. ‘सेवा संकल्प अभियान’ अंतर्गत महिलांच्या कार्यशाळेच्या माध्यमातून आरोग्य त...

छत्रपती संभाजीनगर, दि. २५ (जिमाका) : ‘सेवा संकल्प अभियान’ अंतर्गत दि. १७ सप्टेंबर ते १७ ऑक्टोबर २०२६ या कालावधीत सामाजिक वनीकरण विभाग, छत्रपती संभाजीनगरच्या वतीने जिल्ह्यात विविध पर्यावरणपूरक उपक्रम राबविण्यात येत आहेत. या अंतर्गत वृक्षारोपण, वृक्षदिंडी, प्लास्टिकमुक्ती, स्वच्छ भारत अभियान तसेच पर्यावरण संवर्धनाबाबत जनजागृती करण्यात आली. मराठवाडा मुक्ती संग्राम दिनानिमित्त दि. १७ सप्टेंबर रोजी सामाजिक वनीकरण परिक्षेत्र कन्नडच्या वतीने शिवेश्वर माध्यमिक व उच्च माध्यमिक विद्यालय, टाकळी येथे प्राचार्य तथा माजी जिल्हा परिषद सदस्य संदीप पाटील यांच्या मार्गदर्शनाखाली कार्यक्रम घेण्यात आला. यावेळी राष्ट्रीय हरित सेनेच्या माध्यमातून वृक्षदिंडी काढण्यात आली तसेच मान्यवरांच्या हस्ते वृक्षारोपण करण्यात आले. त्याच दिवशी सामाजिक वनीकरण परिक्षेत्र सिल्लोडच्या वतीने महर्षी विठ्ठल रामजी शिंदे माध्यमिक विद्यालय, देवळगाव बाजार तसेच रणेश्वर विद्यालय, हट्टी येथे वृक्षारोपण करण्यात आले. प्लास्टिकमुक्ती व स्वच्छ भारत अभियानाबाबत जनजागृती करून शाळा परिसराची स्वच्छता करण्यात आली. दि. २२ सप्टेंबर रोजी पीएम श्र...

  आरोग्य संस्थांमध्ये गुणवत्ता मानकांची प्रभावी अंमलबजावणी करा -अपर जिल्हाधिकारी संभाजीराव अडकुणे छत्रपती संभाजीनगर, दि. २५ (जिमाका)- जिल्ह्यातील आरोग्य संस्थांमध्ये नागरिकांना अधिक दर्जेदार आरोग्य सेवा उपलब्ध करता याव्या यासाठी राष्ट्रीय गुणवत्ता आश्वासन मानके (NQAS) कार्यक्रमाची प्रभावी अंमलबजावणी करावी. मूल्यांकनासाठी पात्र आरोग्य संस्थांनी निर्धारित निकषांची पूर्तता करून राज्य व राष्ट्रीय स्तरावरील मूल्यांकनासाठी आवश्यक तयारी काटेकोरपणे करावी, असे निर्देश अपर जिल्हाधिकारी संभाजी अडकुणे यांनी दिले. राष्ट्रीय गुणवत्ता आश्वासन कार्यक्रमांतर्गत नव्याने गठित जिल्हास्तरीय गुणवत्ता आश्वासन समितीची बैठक अपर जिल्हाधिकारी अडकुणे यांच्या अध्यक्षतेखाली झाली. यावेळी जिल्हा शल्यचिकित्सक डॉ. कमलाकर मुदखेडकर, जिल्हा परिषदेचे जिल्हा आरोग्य अधिकारी डॉ. अभय धानोरकर, महाराष्ट्र ग्राम सामाजिक परिवर्तन फाउंडेशनचे सहमुख्य कार्यकारी अधिकारी दिलीपसिंग बयास यांच्यासह संबंधित विभागांचे अधिकारी व समिती सदस्य उपस्थित होते. जिल्हा गुणवत्ता नियमन कार्यक्रमांतर्गत मार्गदर्शक सूचनांनुसार अंमलबजावणी करण्यात येत...

छत्रपती संभाजीनगर, दि. २४ (जिमाका) -‘सेवा संकल्प अभियान’ अंतर्गत जिल्हा जात प्रमाणपत्र पडताळणी समितीच्या वतीने जात वैधता प्रमाणपत्र देण्यासाठी विशेष मोहीम राबविण्यात येत आहे. पात्र विद्यार्थी व अर्जदारांनी या मोहिमेचा लाभ घ्यावा, असे आवाहन उपायुक्त तथा सदस्य संगीता मकरंद यांनी केले आहे. शैक्षणिक वर्ष २०२६-२७ मध्ये इयत्ता ११ वी व १२ वी विज्ञान शाखेत प्रवेश घेतलेले तसेच इयत्ता १२ वी नंतर अभियांत्रिकी, वैद्यकीय, कृषी, पशुसंवर्धन, विधी आदी अभ्यासक्रमांना प्रवेश घेऊ इच्छिणाऱ्या अनुसूचित जाती, विमुक्त जाती, भटक्या जमाती, इतर मागासवर्ग, विशेष मागास प्रवर्ग तसेच सामाजिक व शैक्षणिकदृष्ट्या मागास प्रवर्गातील विद्यार्थ्यांसाठी ही मोहीम राबविण्यात येत आहे. यासह सेवा, निवडणूक व अन्य कारणांसाठी जात वैधता प्रमाणपत्र आवश्यक असलेल्या अर्जदारांनाही या मोहिमेचा लाभ घेता येणार आहे. इच्छुक अर्जदारांनी जात प्रमाणपत्र पडताळणीसाठी https://ccvis.barti.in या संकेतस्थळावर ऑनलाइन अर्ज सादर करावा. ऑनलाइन अर्जाची प्रत आवश्यक कागदपत्रांच्या साक्षांकित प्रतींसह जिल्हा जात प्रमाणपत्र पडताळणी समिती, छत्रपती संभाजीनगर य...

आरोग्य सेवांचा आढावा; गुणवत्तापूर्ण व वेळेत सेवा देण्याच्या सूचना छत्रपती संभाजीनगर, दि. २४ (जिमाका) : प्राथमिक आरोग्य केंद्र, बाबरा येथे आज जिल्हा परिषद अध्यक्ष अविनाश गलांडे पाटील, उपाध्यक्ष जितेंद्र जैस्वाल, मुख्य कार्यकारी अधिकारी मिन्नू पी. एम. आणि अतिरिक्त मुख्य कार्यकारी अधिकारी वासुदेव सोळंके यांनी आकस्मिक भेट देऊन आरोग्य केंद्राच्या कामकाजाची पाहणी केली. नागरिकांना गुणवत्तापूर्ण, वेळेत आणि प्रभावी आरोग्य सेवा उपलब्ध करून देण्याच्या सूचना त्यांनी यावेळी दिल्या. पदाधिकाऱ्यांनी बाह्यरुग्ण विभागाची पाहणी करून रुग्णांशी संवाद साधला. उपलब्ध आरोग्य सुविधा, औषधोपचार व सेवांबाबत रुग्णांकडून माहिती घेतली. आरोग्य केंद्राचे बाह्यरुग्ण सेवेचे निर्धारित उद्दिष्ट १ हजार ८०० असताना आतापर्यंत २ हजार ४०० रुग्णांना सेवा देण्यात आल्याची माहिती यावेळी देण्यात आली. ‘सेवा संकल्प अभियान’ आणि ‘माझं गाव, आरोग्यसंपन्न गाव’ अंतर्गत राबविण्यात येणाऱ्या उपक्रमांचा तसेच संबंधित नोंदींचा आढावा घेण्यात आला. आरोग्यविषयक उपक्रमांची माहिती समाजमाध्यमांद्वारे नियमितपणे नागरिकांपर्यंत पोहोचविण्याच्या सूचनाही देण्य...

  छत्रपती संभाजीनगर ( जिमाका ), दि. २३ : ‘सेवा संकल्प अभियान’ अंतर्गत पंचायत समिती कार्यालय, खुलताबाद येथे महिलांसाठी आयोजित कार्यशाळेदरम्यान आरोग्य शिबिराचे आयोजन करण्यात आले. तालुका आरोग्य अधिकारी डॉ. समाधान राऊत यांच्या मार्गदर्शनाखाली पंचायत समिती व तालुका आरोग्य अधिकारी कार्यालय यांच्या संयुक्त विद्यमाने या उपक्रमाचे आयोजन करण्यात आले. या कार्यशाळेस मा. तहसीलदार, पंचायत समितीतील अधिकारी व कर्मचारी तसेच नागरिक उपस्थित होते. यावेळी तालुका आरोग्य अधिकारी डॉ. समाधान राऊत यांनी स्वच्छता, संसर्गजन्य आजार तसेच विविध आजारांपासून बचाव करण्यासाठी घ्यावयाची काळजी याबाबत उपस्थितांना मार्गदर्शन केले. तसेच आरोग्यविषयक प्रतिबंधात्मक उपाययोजना, विविध शासकीय आरोग्य योजना आणि नागरिकांसाठी उपलब्ध आरोग्य सुविधांची माहिती देण्यात आली. कार्यशाळेच्या ठिकाणी आयोजित आरोग्य शिबिरामध्ये एकूण १५४ महिलांची आरोग्य तपासणी करण्यात आली. यामध्ये महिलांची रक्तदाब (BP), रक्तातील साखर (शुगर/मधुमेह) तसेच आवश्यकतेनुसार विविध रक्त तपासण्या करण्यात आल्या. तपासणीदरम्यान आढळलेल्या आरोग्यविषयक बाबींनुसार आवश्यक सल्ला दे...

  छत्रपती संभाजीनगर, दि. २४ (जिमाका)-वाळूज येथील अविनाश कॉलनीतील राधिका बाळू वाघ (वय १६) ही दि. १६ सप्टेंबर रोजी रात्रीपासून बेपत्ता आहे. याप्रकरणी वाळूज पोलीस ठाण्यात गु.र.नं. ४१८/२०२६ अन्वये भारतीय न्याय संहितेच्या कलम १३७ (२) अंतर्गत गुन्हा दाखल करण्यात आला आहे. राधिका हिचा रंग गोरा, उंची ४ फूट ७ इंच, बांधा मध्यम, चेहरा गोलाकार, केस काळे व मध्यम लांबीचे आहेत. बेपत्ता होताना तिच्या अंगात काळ्या रंगाचा शर्ट व ग्रे रंगाची जीन्स पॅन्ट होती. ती मराठी बोलते. राधिका हिच्याबाबत कोणाला माहिती मिळाल्यास वाळूज पोलीस ठाण्याचे सहाय्यक पोलीस निरीक्षक सुनील एस. बोडखे यांच्याशी मो. क्र. ७०२००६०८७७ वर संपर्क साधावा, असे आवाहन करण्यात आले आहे.

  छत्रपती संभाजीनगर, दि. २४ (जिमाका)-अनुसूचित जाती व नवबौद्ध शेतकऱ्यांसाठी ‘डॉ. बाबासाहेब आंबेडकर कृषी स्वावलंबन योजना’ तसेच अनुसूचित जमातीतील शेतकऱ्यांसाठी ‘बिरसा मुंडा कृषी क्रांती योजना’ या योजनांतर्गत सिंचन सुविधा व विविध कृषी घटकांसाठी शासकीय अनुदान देण्यात येते. पात्र शेतकऱ्यांनी महा-डीबीटी पोर्टलवर ऑनलाइन अर्ज करावा, असे आवाहन जिल्हा परिषदेच्या कृषी विभागाने केले आहे. अनुदानाचे स्वरुप योजनेंतर्गत प्रति लाभार्थी नवीन सिंचन विहिरीसाठी चार लाख रुपये, जुनी विहीर दुरुस्तीसाठी एक लाख रुपये, वीज जोडणी आकारासाठी २० हजार रुपये, शेततळ्याच्या प्लास्टिक अस्तरीकरणासाठी दोन लाख रुपये, ठिबक सिंचन संचासाठी जास्तीत जास्त ९७ हजार रुपये, तुषार सिंचन संचासाठी जास्तीत जास्त ४७ हजार रुपये आणि १० अश्वशक्ती क्षमतेपर्यंतच्या विद्युत पंप संचासाठी ४० हजार रुपये अनुदान देय आहे. तसेच परसबागेसाठी पाच हजार रुपये, पीव्हीसी पाईपसाठी ५० हजार रुपये, सोलर पंपासाठी एचडीपीई/पीव्हीसी पाईपकरिता ५० हजार रुपये तसेच बैलचलित अथवा ट्रॅक्टरचलित कृषि अवजारांसाठी ५० हजार रुपयांपर्यंत अनुदान देय आहे. पात्रता डॉ. बाबासाहेब ...

छत्रपती संभाजीनगर, दि. २३ (जिमाका) : मुख्यमंत्री सहायता निधी व धर्मादाय रुग्णालय मदत कक्षामार्फत राबविण्यात येत असलेल्या ‘श्री गणेशा आरोग्याचा’ अभियानांतर्गत जिल्ह्यात आतापर्यंत १ हजार ५७४ आरोग्य शिबिरांचे आयोजन करण्यात आले असून, त्याद्वारे ८९ हजार ८७९ नागरिकांची आरोग्य तपासणी करण्यात आली आहे. तपासणी करण्यात आलेल्यांमध्ये ३४ हजार ८१३ पुरुष, ४१ हजार ५१० महिला आणि १३ हजार ५५६ बालकांचा समावेश आहे. यापैकी १७ हजार ६२१ जणांच्या रक्त तपासण्या करण्यात आल्या असून ६३० जणांची ईसीजी तपासणी करण्यात आली. तसेच २ हजार २४३ नागरिकांना आभा व गोल्डन कार्ड काढून देण्यात आले. या अभियानाच्या प्रभावी अंमलबजावणीसाठी शासकीय वैद्यकीय महाविद्यालय, जिल्हा रुग्णालय, शहरी आरोग्य यंत्रणा, स्थानिक स्वराज्य संस्थांची आरोग्य यंत्रणा तसेच धर्मादाय रुग्णालयांतील डॉक्टर व आरोग्य कर्मचाऱ्यांचे सहकार्य घेण्यात येत आहे. गणेशोत्सवाच्या काळात नागरिक मोठ्या संख्येने गणेश मंडळांना भेट देत असल्याने मंडळांच्या ठिकाणीच आरोग्य तपासणीची सुविधा उपलब्ध करून देण्यात आली आहे. या माध्यमातून नागरिकांना प्राथमिक आरोग्य तपासणी, आरोग्यविषयक मा...

छत्रपती संभाजीनगर, दि. २३ (जिमाका)- समाजातील विविध प्रश्नांना वाचा फोडत जनहितासाठी सातत्याने कार्यरत असणाऱ्या पत्रकारांनी आपल्या आरोग्याबाबत सजग रहावे, या उद्देशाने जिल्हा माहिती कार्यालयाच्या वतीने आयोजित पत्रकारांच्या आरोग्य तपासणी शिबिराला आज उत्स्फूर्त प्रतिसाद लाभला. जिल्हाधिकारी विनय गौडा जी. सी. यांच्या हस्ते दीपप्रज्वलन करून शिबिराचे उद्घाटन करण्यात आले. प्रारंभी बाळशास्त्री जांभेकर यांचे प्रतिमा पूजन करण्यात आले.  जिल्हा माहिती कार्यालयात आज  सेवा संकल्प अभियान  व लोकसंवाद उपक्रमांतर्गत या आरोग्य तपासणी शिबिराचे आयोजन करण्यात आले होते. उपसंचालक(माहिती) प्रवीण टाके, निवासी उपजिल्हाधिकारी जनार्धन विधाते, जिल्हा माहिती अधिकारी डॉ. मिलिंद दुसाने, सह आयुक्त अन्न औषध प्रशासन दयानंद पाटील, सह आयुक्त न.प.प्रशासन सौरभ जोशी, विभागीय अधिस्वीकृती समितीचे अध्यक्ष माधव सावरगावे, सहायक संचालक सुरेश पाटील, माहिती अधिकारी संजीवनी जाधव यांची यावेळी प्रमुख उपस्थिती होती. सामाजिक प्रश्नांसाठी सातत्याने कार्यरत राहणाऱ्या पत्रकारांचे दैनंदिन जीवन धावपळीचे असते. या व्यस्ततेतही त्यांनी ...

छत्रपती संभाजीनगर, दि. २१ (जिमाका) : मराठवाड्यात यंदा सरासरीच्या तुलनेत पर्जन्यमान कमी झाले असून संभाव्य पाणीटंचाई लक्षात घेऊन उपलब्ध पाणीसाठ्याचे काटेकोर व गावनिहाय नियोजन करावे. नागरिकांना पिण्याच्या पाण्याचा नियमित व सुरळीत पुरवठा होईल यासाठी आवश्यक उपाययोजनांचे आतापासूनच सूक्ष्म नियोजन करावे. तसेच प्रलंबित पाणीपुरवठा योजनांची कामे गतीने पूर्ण करावीत, असे निर्देश सार्वजनिक आरोग्य व कुटुंब कल्याण, पाणीपुरवठा व स्वच्छता, ऊर्जा राज्यमंत्री मेघना साकोरे-बोर्डीकर यांनी आज दिले. जिल्हाधिकारी कार्यालयात राज्यमंत्री साकोरे-बोर्डीकर यांनी मराठवाड्यातील पाणीटंचाईची सद्यस्थिती, पर्जन्यमान, उपलब्ध पाणीसाठा, संभाव्य टंचाई तसेच विविध पाणीपुरवठा योजनांचा विभागीय आढावा घेतला. यावेळी अपर जिल्हाधिकारी संभाजी अडकुणे, निवासी उपजिल्हाधिकारी जनार्दन विधाते, अपर आयुक्त ( महसूल ) रिता मैत्रेवार, महाराष्ट्र जीवन प्राधिकरणच्या मुख्य अभियंता मनीषा पलांडे यांच्यासह संबंधित विभागांचे अधिकारी उपस्थित होते. बैठकीच्या प्रारंभी पाणीपुरवठा व स्वच्छता विभागाच्या सहसचिव गीता कुलकर्णी यांनी दूरदृश्यप्रणालीद्वारे पाणीटं...

   जिल्ह्यात आतापर्यंत ५५ हजार रुग्णांची तपासणी छत्रपती संभाजीनगर, दि.२१(जिमाका)- मुख्यमंत्री सहायता निधी व धर्मादाय रुग्णालय मदत कक्षातर्फे श्री गणेशा आरोग्याचा अभियान राबविण्यात येत आहे. त्यासोबतच जिल्हा माहिती कार्यालयाचा ‘लोकसंवाद’ उपक्रमही राबविण्यात येत आहे. आरोग्य तपासणी व आरोग्य विषयक योजनांची माहिती या शिबिरांमध्ये दिली जाते. या  अभियानांतर्गत आतापर्यंत १००४ आरोग्य शिबिरे घेण्यात आली असून एकूण ५५७९३ जणांची आरोग्य तपासणी करण्यात आली. तपासणी करण्यात आलेल्या रुग्णांमध्ये २१,३१७ पुरुष, २४,८९१ महिला व ९५८५ बालकांचा समावेश आहे. मुख्यमंत्री सहायता निधी कक्षाद्वारे सुरू असलेल्या या उपक्रमाच्या अंमलबजावणीसाठी शासकीय वैद्यकीय महाविद्यालय, जिल्हा रुग्णालय, शहरी आरोग्य आयुक्तालय, स्थानिक स्वराज्य संस्थांची आरोग्य यंत्रणा तसेच धर्मादाय रुग्णालयांतील डॉक्टर व आरोग्य कर्मचाऱ्यांची मदत घेण्यात आली. यानिमित्त ‘लोकसंवाद’ उपक्रमाद्वारे उपस्थित वैद्यकीय अधिकारी आलेल्या भाविकांना शासनाच्या विविध आरोग्य योजनांची माहिती देत असून त्याद्वारे लोकांना आरोग्य विभागाच्या योजनांची माहिती...

  डाक विभाग व जिल्हा माहिती कार्यालयाचा संयुक्त उपक्रम; गणेशभक्तांशी साधला थेट संवाद छत्रपती संभाजीनगर, दि. 21 (जिमाका) : गणेशोत्सवाच्या माध्यमातून शासनाच्या विविध योजना, उपक्रम आणि सेवांची माहिती नागरिकांपर्यंत पोहोचविण्यासाठी राबविण्यात येत असलेल्या ‘लोकसंवाद-२०२६’ अंतर्गत भारतीय डाक विभाग व जिल्हा माहिती कार्यालय, छत्रपती संभाजीनगर यांच्या संयुक्त विद्यमाने छावणी येथील छावणी गणेश मंडळात ‘नाईट कॅम्प’ आयोजित करण्यात आला. यावेळी गणेशभक्तांना डाक विभागाच्या विविध बचत, विमा व गुंतवणूक योजनांची माहिती देण्यात आली. राज्य शासनामार्फत दि. १७ सप्टेंबर ते १७ ऑक्टोबर या कालावधीत ‘सेवा संकल्प अभियान’ राबविण्यात येत आहे. त्याअंतर्गत माहिती व जनसंपर्क विभागाच्या वतीने दि. १६ ते २४ सप्टेंबर या कालावधीत राज्यभर ‘लोकसंवाद-२०२६’ हा विशेष जनजागृती उपक्रम राबविण्यात येत आहे. गणेश मंडळांच्या माध्यमातून नागरिकांशी प्रत्यक्ष संवाद साधून शासकीय योजना व सेवांची माहिती पोहोचविणे हा या उपक्रमाचा उद्देश आहे. छावणी गणेश मंडळात आयोजित कॅम्पमध्ये पोस्ट ऑफिस बचत खाते (POSB), आवर्ती ठेव (RD), मुदत ठेव (TD), सुकन...

  छत्रपती संभाजीनगर , दि.२०(जिमाका)- राज्यातील शासकीय भरती परीक्षा पद्धतीत सुधारणा करण्यासाठी गठित उच्चस्तरीय समिती सोमवार , दि. २१ रोजी  जिल्ह्यात येत आहे. सोमवार दि.२१ रोजी सकाळी साडेदहा वा. छत्रपती संभाजीनगर येथील स्मार्ट सिटी कार्यालयात समिती विद्यार्थी , परीक्षार्थी व संबंधित घटकांना भेटून त्यांची मते जाणून घेणार आहे. या संदर्भात स्मार्ट सिटी कार्यालयात सर्व सज्जता करण्यात आली आहे. विभागीय आयुक्त जी. श्रीकांत यांनी आज सर्व आढावा घेतला.             राज्यातील शासकीय भरती परीक्षा अधिक पारदर्शक , सुरक्षित व विश्वासार्ह करण्यासाठी आवश्यक सुधारणा , तसेच परीक्षा प्रक्रियेतील अडचणी व त्यावरील उपाययोजनांबाबत राज्यशासनाने गठीत केलेल्या भरती परीक्षा सुधारणांसाठी नेमलेली उच्चस्तरीय समिती सोमवार दि.२१ रोजी जिल्ह्यात दाखल होत आहे. अपर मुख्य सचिव श्रीमती व्ही. राधा ह्या समितीच्या अध्यक्ष आहेत. तर वीरेंद्र सिंह, पोलीस महासंचालक सदानंद दाते, पशुसंवर्धन विभागाचे सचिव डी.एन. रामास्वामी, नाशिक विभागाचे आयुक्त प्रवीण गेडाम इ. समिती सदस...

छत्रपती संभाजीनगर , दि.२० (जिमाका)- राज्याचे सामाजिक न्याय तथा जिल्ह्याचे पालकमंत्री संजय शिरसाट यांनी आज वैजापूर तालुक्यात टंचाईग्रस्त भागात पिकस्थितीची पाहणी केली. आ. रमेश बोरनारे हे त्यांच्या समवेत होते.             पालकमंत्रीसंजय शिरसाट यांनी आज मौजे जांबरगाव ता. वैजापूर येथे टंचाईच्या पार्श्वभूमीवर भेट देऊन पीक परिस्थितीची पाहणी केली. त्यांचे समवेत तहसिलदार सुनिल सावंत, जिल्हा अधीक्षक कृषी अधिकारी दीपक गवळी तसेच स्थानिक अधिकारी आदी उपस्थित होते. यावेळी श्री. शिरसाट यांनी उपस्थित शेतकऱ्यांशीही संवाद साधला. लोकांची मते जाणून घेतली. पिकांची स्थिती पाहून पालकमंत्री शिरसाट यांनी शेतकऱ्यांना धीर दिला. अधिकाऱ्यांनी पंचनामे करावे,असे निर्देश त्यांनी अधिकाऱ्यांना दिले. शासन शेतकऱ्यांच्या पाठीशी भक्कमपणे उभे असून शेतकऱ्यांनी खचून जाऊ नये,असे शेतकऱ्यांना आश्वस्त केले. ०००००  

  छत्रपती संभाजीनगर , दि. १९ (जिमाका)- बंदीजनांच्या शारिरीक आरोग्यासोबतच त्यांचे मानसिक आरोग्य व कौशल्य विकासासाठी कारागृह प्रशासनाने उपक्रम राबवावे.जेणेकरुन ते कुशल आणि सकारात्मक व्यक्ती म्हणून समाजात परत गेले पाहिजे,असे प्रतिपादन मुंबई उच्च न्यायालयाच्या औरंगाबाद खंडपीठाचे प्रशासकीय न्यायमूर्ती नितीन सूर्यवंशी यांनी आज केले.             येथील धर्मादाय सह आयुक्त तथा सार्वजनिक न्यास नोंदणी कार्यालयाने मध्यवर्ती कारागृहातील बंदीजनांच्या आरोग्य सेवेसाठी पुढाकार घेत बंदीजनांच्या विविध आरोग्य चाचण्यांसाठी लागणारे वैद्यकीय उपकरणे आज मध्यवर्ती कारागृहाला दान करण्यात आले. यानिमित्त बंदीजनांसाठी  आरोग्य तपासणी व निदान शिबिरही आयोजीत करण्यात आले. यावेळी जिल्हा माहिती कार्यालयाचा ‘लोकसंवाद’ या सहयोगी उपक्रमात ‘श्री गणेशा आरोग्याचा’ हा उपक्रमही पार पडला.             न्या. नितीन सूर्यवंशी यांच्या हस्ते हा कार्यक्रम पार पडला. धर्मादाय सह आयुक्त नितीन जाधव, धर्मादाय उपायुक्त उषा...