राजर्षी शाहू महाराज शिष्यवृत्ती योजना; सन २०२३-२४ अर्ज करण्यास मुदतवाढ

      छत्रपती संभाजीनगर,दि.२७(जिमाका)- देशातील नामांकित शैक्षणिक संस्थांमध्ये उच्च शिक्षण घेण्यासाठी राज्यातील अनुसूचित जातीच्या विद्यार्थ्यांना राजर्षी शाहू महाराज शिष्यवृत्ती योजना राबविली जाते. त्यासाठी  सन २०२३-२४ करिता विद्यार्थ्यांकडून अर्ज मागविण्यात आले आहेत. हे अर्ज दाखल करण्यासाठी गुरुवार दि.४ जानेवारी २०२४ पर्यंत मुदतवाढ देण्यात आली आहे.

            यासंदर्भात  सन २०२३-२४ साठी शैक्षणिक संस्थांमधील प्रवेश प्रक्रिया अद्याप पूर्ण झालेली  नाही. त्यामुळे या योजनेसाठी अर्ज करण्याच्या अंतिम दिनांकास मुदतवाढ देण्यात आली आहे. शासनाच्या वेबसाईटवरून अर्ज डाऊनलोड करून तो परिपूर्ण व आवश्यक त्या कागदपत्रास गुरुवार दि.४ जानेवारी २०२४ रोजी सायं.सव्वा सहा वाजेपर्यंत पोस्टाने किंवा समक्ष समाज कल्याण आयुक्तालय, ३ चर्च रोड पुणे-४११००१ येथे सादर करावेत.

            अर्जाचा नमुना व अधिक सविस्तर माहितीसाठी www.maharashtra.gov.in (जलद दुवे-रोजगार) या संकेत स्थळाला भेट द्यावी. या योजनेचा जास्तीत जास्त विद्यार्थ्यांनी  लाभ घ्यावा व अर्ज करावेत असे आवाहन आयुक्त, समाज कल्याण ओमप्रकाश बकोरीया आणि प्रादेशिक उपायुक्त समाज कल्याण विभाग छत्रपती संभाजीनगर श्रीमती जयश्री सोनकवडे यांनी केले आहे.

०००००