जिल्हा माहिती कार्यालय छत्रपती संभाजीनगर

छत्रपती संभाजीनगर  दि. 31 ऑक्टोबर 2026 (जिमाका वृत्त) : भारताचे लोहपुरुष सरदार वल्लभभाई पटेल यांच्या जयंतीनिमित्त तसेच माजी पंतप्रधान इंदिरा गांधी यांच्या पुण्यतिथीनिमित्त निवासी जिल्हाधिकारी जनार्धन विधाते  यांनी आज जिल्हाधिकारी कार्यालयात   त्यांच्या प्रतिमांना पुष्पहार अर्पण करून विनम्र अभिवादन केले,त्यानंतर श्रीमती राठोड यांनी उपस्थित कर्मचार्यांना राष्ट्रीय एकता दिवसानिमित्त  शपथ दिली.  यावेळी उपजिल्हाधिकारी संगीता राठोड, पी.आर राजपूत , श्रीमती कादरी यांच्यासह कर्मचारी यांची उपस्थिती होती.  ००००००

 छत्रपती संभाजीनगर, दि. ३० (जिमाका) : टपाल सेवा, मनीऑर्डर, बचत बँक खाते, प्रमाणपत्रे आदी डाक सेवांबाबतच्या प्रलंबित तक्रारींचे निराकरण करण्यासाठी प्रवर अधीक्षक डाकघर, छत्रपती संभाजीनगर विभाग यांच्या वतीने शुक्रवार, दि. ६ नोव्हेंबर २०२६ रोजी सकाळी ११ वाजता डाक अदालत आयोजित करण्यात आली आहे. ही डाक अदालत प्रवर अधीक्षक डाकघर, छत्रपती संभाजीनगर यांच्या कार्यालयात होणार आहे. छत्रपती संभाजीनगर डाक विभागांतर्गत येणाऱ्या ज्या नागरिकांच्या डाक सेवेसंदर्भातील तक्रारींचे सहा आठवड्यांच्या आत निराकरण झालेले नाही किंवा संबंधित कार्यालयाकडून समाधानकारक उत्तर मिळालेले नाही, अशा तक्रारींची या डाक अदालतीत दखल घेण्यात येणार आहे. यामध्ये विशेषतः टपाल वस्तू, मनीऑर्डर, बचत बँक खाते, प्रमाणपत्रे आदी सेवांशी संबंधित तक्रारींचा समावेश असेल. तक्रार अर्जामध्ये तक्रारीचा संपूर्ण तपशील, मूळ तक्रार पाठविल्याची तारीख तसेच ज्या अधिकाऱ्याकडे तक्रार पाठविली होती, त्या अधिकाऱ्याचे नाव व पदनाम नमूद करणे आवश्यक आहे. संबंधित नागरिकांनी आपली तक्रार प्रवर अधीक्षक डाकघर, छत्रपती संभाजीनगर विभाग, छत्रपती संभाजीनगर – ४३१००१ ...

  छत्रपती संभाजीनगर, दि. ३० (जिमाका) – राष्ट्रीय अंधत्व नियंत्रण कार्यक्रमांतर्गत जिल्हा रुग्णालय, छत्रपती संभाजीनगर येथे व्हिटीओरेटिनल (Vitreo-Retinal) सर्जनची आवश्यकता आहे. यासाठी पात्र व इच्छुक नेत्रतज्ज्ञ डॉक्टरांकडून अर्ज मागविण्यात येत आहेत. या पदासाठी उमेदवाराची शैक्षणिक अर्हता MS/DNB (Ophthalmology) असणे आवश्यक असून, संबंधित डॉक्टरांना व्हिटीओरेटिनल शस्त्रक्रिया करण्याचे कौशल्य व क्षमता असणे अनिवार्य आहे. निवड झालेल्या तज्ज्ञ डॉक्टरांसोबत सामंजस्य करार (MOU) करण्यात येणार आहे. प्रत्येक शस्त्रक्रियेसाठी संबंधित डॉक्टरांना प्रति रुग्ण १० हजार रुपये मानधन अदा करण्यात येईल. इच्छुक व पात्र व्हिटीओरेटिनल सर्जन यांनी आपली शैक्षणिक अर्हता प्रमाणपत्रे, मागील तीन वर्षांचा अनुभव प्रमाणपत्र तसेच १०० रुपयांच्या स्टॅम्प पेपरसह आवश्यक कागदपत्रे जिल्हा शल्यचिकित्सक कार्यालय, जिल्हा रुग्णालय, छत्रपती संभाजीनगर येथे दि. ६ नोव्हेंबर २०२६ पर्यंत सादर करावीत. तरी पात्र व इच्छुक तज्ज्ञ डॉक्टरांनी विहित मुदतीत अर्ज व आवश्यक कागदपत्रे सादर करावीत, असे आवाहन जिल्हा शल्यचिकित्सक कार्यालयामार्फत करण्...

छत्रपती संभाजीनगर, दि. २९ (जिमाका) – धर्मवीर आनंद दिघे साहेब महाराष्ट्र प्रवासी वाहतूक चालक कल्याणकारी मंडळाच्या सर्व सभासदांना कळविण्यात येते की, मंडळाचे सभासदत्व नोंदणी शुल्क रुपये ८००/- असून, त्यानंतर दरवर्षी सभासदत्व नूतनीकरणासाठी रुपये ३००/- शुल्क आकारण्यात येते. सभासदत्व नूतनीकरणाच्या निर्धारित देय तारखेपासून ९० दिवसांचा वाढीव कालावधी (Grace Period) देण्यात येतो. या कालावधीत नूतनीकरण न केल्यास संबंधित सभासदाचे सभासदत्व नियमानुसार समाप्त होईल आणि त्यांना पुन्हा नवीन सभासद म्हणून नोंदणी करावी लागेल. त्यासाठी रुपये ८००/- नोंदणी शुल्क भरावे लागेल. तथापि, मंडळामार्फत नूतनीकरणाची सुविधा उपलब्ध करून देण्यास झालेल्या विलंबामुळे ज्या सभासदांचा नूतनीकरणाचा निर्धारित कालावधी तसेच वाढीव कालावधी संपलेला आहे, अशा सभासदांना ३१ डिसेंबर २०२६ पर्यंत रुपये ३००/- शुल्क भरून सभासदत्वाचे नूतनीकरण करण्याची विशेष सवलत देण्यात येत आहे. तरी संबंधित सभासदांनी या विशेष सवलतीचा लाभ घेऊन दिनांक ३१ डिसेंबर २०२६ पर्यंत आपले सभासदत्व नूतनीकरण करून घ्यावे. दिनांक १ जानेवारी २०२७ पासून नियमानुसार नवीन सभासदत्व नों...

छत्रपती संभाजीनगर, दि. २९ (जिमाका) : राष्ट्रीय विधी सेवा प्राधिकरणाच्या (NALSA) अंतर्गत वीर परिवार सहायता योजना २०२५ राबविण्यात येत आहे. या योजनेअंतर्गत माजी सैनिक व त्यांच्या कुटुंबीयांना विविध कायदेशीर प्रकरणांमध्ये विनामूल्य कायदेशीर मदत उपलब्ध करून देण्यात येणार आहे. या योजनेच्या अनुषंगाने छत्रपती संभाजीनगर येथील जिल्हा सैनिक कल्याण कार्यालयात लीगल सर्व्हिस क्लिनिक स्थापन करण्यात आले आहे. या माध्यमातून माजी सैनिक व त्यांच्या कुटुंबीयांना कायदेशीर अडचणींचे निराकरण करण्यासाठी आवश्यक मार्गदर्शन व विनामूल्य कायदेशीर सहाय्य मिळणार आहे. योजनेअंतर्गत फौजदारी प्रकरणे, महाराष्ट्र प्रशासकीय न्यायाधिकरणाशी (MAT) संबंधित प्रकरणे, सशस्त्र सेना न्यायाधिकरणातील (AFT) प्रकरणे तसेच उच्च न्यायालयातील (HC) प्रकरणांसाठी विनामूल्य कायदेशीर मदत उपलब्ध करून देण्यात येणार आहे. तरी, संबंधित प्रकरणांमध्ये कायदेशीर मदतीची आवश्यकता असलेल्या सर्व माजी सैनिकांनी व त्यांच्या कुटुंबीयांनी या योजनेचा लाभ घ्यावा, असे आवाहन लेफ्टनंट कर्नल शरद पांढरे, जिल्हा सैनिक कल्याण अधिकारी, छत्रपती संभाजीनगर यांनी केले आहे.

छत्रपती संभाजीनगर, दि. २९ (जिमाका) : जिन्सी पोलीस ठाणे, छत्रपती संभाजीनगर शहर येथे विविध कंपन्यांची एकूण ५२ बेवारस दुचाकी वाहने जमा आहेत. या वाहनांच्या मालकांनी वाहनांची ओळख पटवून आवश्यक मूळ कागदपत्रांसह पोलीस ठाण्याशी संपर्क साधावा व आपली वाहने तीन दिवसांच्या आत परत घेऊन जावीत, असे आवाहन जिन्सी पोलीस ठाण्याच्या वतीने करण्यात आले आहे. संबंधित वाहनधारकांनी जिन्सी पोलीस ठाणे, छत्रपती संभाजीनगर शहर येथे दूरध्वनी क्रमांक ०२४०-२२४०५५५ वर संपर्क साधावा. वाहनाची मालकी सिद्ध करणारी मूळ कागदपत्रे सादर करून वाहन ताब्यात घ्यावे. विहित मुदतीत कोणीही वाहनांवर मालकी हक्क सिद्ध न केल्यास, नियमानुसार आवश्यक कार्यवाही करून दि. ३० ऑक्टोबर २०२६ रोजी ५२ बेवारस दुचाकी वाहनांचा लिलाव करण्यात येणार आहे. त्यामुळे संबंधित वाहनमालकांनी याची नोंद घेऊन विहित मुदतीत संपर्क साधावा, असे आवाहन करण्यात आले आहे.

डॉ. प्रतापसिंह पाटील यांना ८५ हजार ८७६, तर सतीश चव्हाण यांना ६७ हजार ७५२ मते ३९ उमेदवारांच्या वगळणीनंतर अंतिम निकाल जाहीर ; विजयासाठी आवश्यक मतांचा कोटा कोणत्याही उमेदवाराला गाठता आला नाही निवडणूक निर्णय अधिकारी जी. श्रीकांत यांच्या हस्ते पहाटे ५ वाजून १० मिनिटांनी विजयाचे प्रमाणपत्र प्रदान सलग ४५ तासांहून अधिक काळ मतमोजणी ; अधिकारी व कर्मचाऱ्यांच्या समन्वयातून प्रक्रिया पूर्ण छत्रपती संभाजीनगर, दि. २९ (विमाका) :- विधान परिषदेच्या ०५-औरंगाबाद विभाग पदवीधर मतदारसंघ निवडणुकीत राष्ट्रवादी काँग्रेस पक्ष – शरदचंद्र पवार पक्षाचे उमेदवार डॉ. प्रतापसिंह वेदप्रकाश पाटील हे १८ हजार १२४ मतांनी विजयी झाले आहेत. त्यांना ८५ हजार ८७६ मते मिळाली, तर राष्ट्रवादी काँग्रेस पक्षाचे उमेदवार सतीश भानुदासराव चव्हाण यांना ६७ हजार ७५२ मते मिळाली. पसंतीक्रमानुसार ३९ उमेदवारांची वगळणी व मतहस्तांतरणाची प्रक्रिया पूर्ण झाल्यानंतर अंतिम मतमोजणीत डॉ. पाटील यांनी सर्वाधिक मते मिळवली. भारत निवडणूक आयोगाकडून निकालासंदर्भातील पुढील प्रक्रियेस मान्यता प्राप्त झाल्यानंतर गुरुवार, दि. २९ ऑक्टोबर रोजी पहाटे ५ वाजून १० मिनिट...

  छत्रपती संभाजीनगर, दि. २६ : जिल्हा उद्योग केंद्र कर्ज योजनेअंतर्गत सन २०२६-२७ या आर्थिक वर्षासाठी उद्दिष्ट प्राप्त झाले असून, पात्र सुशिक्षित बेरोजगारांनी या योजनेचा लाभ घेण्यासाठी अर्ज सादर करावेत, असे आवाहन जिल्हा उद्योग केंद्राचे उप आयुक्त (उद्योग व सेवा) यांनी केले आहे. या योजनेअंतर्गत अर्जांचे वाटप व स्वीकारण्याची प्रक्रिया दि. ११ मे २०२६ पासून सुरू आहे. प्राप्त अर्जांमधील पात्र कर्ज प्रकरणे बँकांकडे शिफारशीसाठी पाठविण्यात येणार आहेत. अर्ज वाटप व स्वीकारण्याची अंतिम तारीख दि. ३० नोव्हेंबर २०२६ असून, अर्ज स्वीकारण्याची वेळ सकाळी ११ ते दुपारी २ वाजेपर्यंत आहे. तरी इच्छुक सुशिक्षित बेरोजगारांनी विहित मुदतीत अर्ज सादर करून योजनेचा लाभ घ्यावा, असे आवाहन जिल्हा उद्योग केंद्र, छत्रपती संभाजीनगर यांच्यामार्फत करण्यात आले आहे.

छत्रपती संभाजीनगर, दि. २६ (जिमाका) : जिल्हाधिकारी कार्यालय, छत्रपती संभाजीनगर येथे महर्षी वाल्मिकी जयंतीनिमित्त जिल्हाधिकारी विनय गौडा जी. सी. यांच्या हस्ते महर्षी वाल्मिकी यांच्या प्रतिमेचे पूजन करून अभिवादन करण्यात आले. यावेळी महर्षी वाल्मिकी यांच्या महान कार्याचे, साहित्यिक योगदानाचे तसेच भारतीय संस्कृती आणि साहित्यविश्वातील त्यांच्या महत्त्वपूर्ण स्थानाचे स्मरण करण्यात आले.यावेळी निवासी उपजिल्हाधिकारी जनार्धन विधाते, उपजिल्हाधिकारी संगीता  राठोड यांच्यासह कर्मचारी उपस्थित होते.

  छत्रपती संभाजीनगर, दि. २३ (जिमाका) : विधान परिषद निवडणुकीच्या अनुषंगाने जिल्हाधिकारी विनय गौडा जी. सी. यांनी जिल्हाधिकारी कार्यालयातील निवडणूक नियंत्रण कक्षाला भेट देऊन तेथील कामकाजाची पाहणी केली. यावेळी त्यांनी निवडणूक प्रक्रियेच्या अनुषंगाने नियंत्रण कक्षामार्फत करण्यात येणाऱ्या कामांचा आढावा घेतला तसेच संबंधित अधिकाऱ्यांकडून कामकाजाची माहिती जाणून घेतली. निवडणूक प्रक्रिया सुरळीत, पारदर्शक व नियोजनबद्ध पद्धतीने पार पाडण्यासाठी आवश्यक ती दक्षता घेण्याच्या सूचना जिल्हाधिकारी श्री. गौडा यांनी संबंधित अधिकाऱ्यांना दिल्या. यावेळी निवडणूक निरीक्षक माधवी चावरे खोडे, निवासी उपजिल्हाधिकारी जनार्दन विधाते, उपजिल्हाधिकारी (निवडणूक) सविता  चौधर यांच्यासह संबंधित अधिकारी उपस्थित होते.

  महात्मा ज्योतिराव #फुले यांच्या जयंतीला सन २०२७ मध्ये २०० वर्षे पूर्ण होत असल्या निमीत्ताने मुख्यमंत्री देवेंद्र फडणवीस यांनी २०२७ हे महात्मा फुले द्विजन्मशताब्दी वर्ष साजरे करण्यासाठी २०२६ च्या अर्थसंकल्पीय अधिवेशनामध्ये घोषणा केली होती. @MahaDGIPR

  छत्रपती संभाजीनगर,दि.२२(जिमाका)- ५ औरंगाबाद विभाग पदवीधर मतदारसंघाच्या निवडणुकीसाठी शुक्रवार दि.२३ रोजी मतदान होणार आहे. मतदानासाठी प्रशासनाने सर्व सज्जता केली आहे. आज दिवसभर मतदान साहित्य घेऊन मतदान चमू आपापल्या मतदान केंद्राकडे रवाना झाले. विधान परिषदेच्या ५ औरंगाबाद विभाग पदवीधर मतदारसंघाच्या निवडणुकीसाठी शुक्रवार दि. २३ रोजी मतदान होणार आहे. सकाळी ८ ते दुपारी ४ (अखंड) अशी मतदानाची वेळ आहे.  ८४२ मतदान केंद्रांवर मतदान ५ औरंगाबाद विभाग पदवीधर मतदारसंघात छत्रपती संभाजीनगर, जालना, बीड, लातूर, धाराशिव, परभणी, नांदेड आणि हिंगोली या आठ जिल्ह्यांचा समावेश आहे. ८४२ मतदान केंद्रांवर  मतदान होणार आहे. या निवडणुकीसाठी ५ औरंगाबाद विभाग मतदार संघात ४१ उमेदवार रिंगणात आहेत. या निवडणूकीसाठी एकूण ३ लाख २६ हजार ७०१ मतदार आपला मतदानाचा हक्क बजावणार आहेत. त्यात ७७ हजार ७१७ महिला, २ लाख ४८ हजार ९७१ पुरुष आणि १३ इतर असे मतदार आहेत.  मनुष्यबळ तैनात या निवडणूकीसाठी मनुष्यबळ तैनात करण्यात आले असून त्यात ९३५ केंद्राध्यक्ष व  २८१४ मतदान अधिकारी आहेत. मंगळवार दि.२७ रोजी वुडस्टर्म डेक...

छत्रपती संभाजीनगर, दि. २१ (जिमाका) - ५ औरंगाबाद विभाग पदवीधर मतदारसंघाच्या निवडणुकीसाठी शुक्रवार, दि.२३ रोजी मतदान होणार आहे. या पार्श्वभूमीवर छत्रपती संभाजीनगर जिल्ह्यात शुक्रवार दि. २३ रोजी म्हणजेच मतदानाच्या दिवशी भरणारे आठवडी बाजार बंद ठेवण्याचे आदेश जिल्हाधिकारी तथा जिल्हादंडाधिकारी विनय गौडा जी. सी. यांनी जारी केले आहेत. मतदानाच्या दिवशी आठवडी बाजार बंद ठेवावेत. पुढे ढकलल्यास ते अन्य दिवशी भरविण्यात यावेत, असे आदेशात नमूद केले आहे. See less

छत्रपती संभाजीनगर, दि. २२ (जिमाका)- दुष्काळ सदृश्य परिस्थिती लक्षात घेता, आगामी काळात पिण्याच्या पाण्याची उपलब्धता पुरेशी रहावी, यासाठी नागरिकांनी पाण्याचा काटकसरीने व जबाबदारीने वापर करावा, असे आवाहन पैठण-फुलंब्रीच्या उपविभागीय अधिकारी नीलम बाफना यांनी केले आहे. याबाबत त्यांनी आवाहन केले आहे की,नागरिकांनी दैनंदिन वापरात पाण्याची बचत करावी, नळ सुरू ठेवणे व पाण्याचा अनावश्यक वापर टाळावा. घरगुती व सार्वजनिक पाणीपुरवठा व्यवस्थेत गळती आढळल्यास संबंधित ग्रामपंचायत किंवा स्थानिक स्वराज्य संस्थेला त्वरित कळवावे. बागकाम, परिसर स्वच्छता आदी कामांसाठी पिण्यायोग्य पाण्याचा वापर टाळून शक्य तेथे पाण्याचा पुनर्वापर करावा. तलाव, विहिरी व अन्य पारंपरिक जलस्रोतांचे संरक्षण करून त्यांचे प्रदूषण होणार नाही, याची दक्षता घ्यावी. प्रमुख जलाशयांतील उपलब्ध जिवंत पाणीसाठ्यापैकी किमान १० टक्के साठा आपत्कालीन परिस्थितीसाठी राखीव ठेवण्यात येणार आहे. हा साठा केवळ अत्यावश्यक परिस्थितीत पिण्याच्या पाण्यासाठी वापरता येईल. सर्वसाधारण वापरासाठी त्याचा विनियोग करता येणार नाही. धरणे, कालवे, नद्या, तलाव व सार्वजनिक जलस्रो...

छत्रपती संभाजीनगर, दि. १९ (जिमाका) : सेवा संकल्प अभियानांतर्गत राबविण्यात येणाऱ्या ‘सेवा फर्स्ट इनोव्हेशन चॅलेंज’ स्पर्धेविषयी जनजागृती करण्यासाठी महाराष्ट्र राज्य नाविन्यता सोसायटीतर्फे बुधवार, दि. २१ ऑक्टोबर २०२६ रोजी सकाळी १० ते दुपारी १२ या वेळेत छत्रपती शाहू महाराज शैक्षणिक संस्था (CSMSS), कांचनवाडी, छत्रपती संभाजीनगर येथे विशेष जनजागृती सत्राचे आयोजन करण्यात आले आहे. राज्यातील विद्यार्थी, युवक, नवसंशोधक, स्टार्टअप्स व उद्योजकांना नाविन्यपूर्ण कल्पना आणि उपाययोजना मांडण्यासाठी प्रोत्साहन देण्याच्या उद्देशाने कौशल्य, रोजगार, उद्योजकता व नाविन्यता विभागामार्फत हा उपक्रम राबविण्यात येत आहे. या सत्रात स्पर्धेची उद्दिष्टे, सहभागाच्या संधी व नोंदणी प्रक्रियेबाबत मार्गदर्शन करण्यात येणार आहे. महाराष्ट्र राज्य नाविन्यता सोसायटीचे मुख्य कार्यकारी अधिकारी उपस्थितांशी संवाद साधणार आहेत. कार्यक्रमाच्या स्थानिक आयोजन व समन्वयासाठी ‘मॅजिक’ संस्थेचे सहकार्य लाभणार आहे. जिल्ह्यातील महाविद्यालये, औद्योगिक प्रशिक्षण संस्था, इनक्युबेशन केंद्रे, स्टार्टअप्स, नवसंशोधक, उद्योजक तसेच संबंधित संस्थांच्या...

  छत्रपती संभाजीनगर, दि. १९ (जिमाका) : जिल्ह्यातील दुष्काळसदृश परिस्थितीच्या पार्श्वभूमीवर जलसंधारणाच्या कामांना प्राधान्य देऊन उपलब्ध जलस्रोतांचे बळकटीकरण करावे. प्रत्येक गावात १०० जलतारा कामांचे नियोजन करून त्याबाबतचे प्रस्ताव तातडीने सादर करावेत. गावनिहाय आवश्यक जलसंधारण कामांची निश्चिती करून त्यांच्या अंमलबजावणीला गती द्यावी, असे निर्देश जिल्हाधिकारी विनय गौडा जी. सी. यांनी दिले. जिल्हाधिकारी कार्यालयात जिल्हाधिकारी विनय गौडा जी. सी. यांच्या अध्यक्षतेखाली मृद व वजलसंधारण विभागाच्या कामांचा तसेच दुष्काळसदृश परिस्थितीच्या अनुषंगाने राबविण्यात येणाऱ्या उपाययोजनांचा आढावा घेण्यात आला. यावेळी निवासी उपजिल्हाधिकारी जनार्धन विधाते, जिल्हा परिषदेचे अतिरिक्त मुख्य कार्यकारी अधिकारी वासुदेव सोळंके, उपजिल्हाधिकारी (रोहयो) रुपेश शिंगारे, मृद व जलसंधारण विभागाचे कार्यकारी अभियंता नरेंद्र कटके, प्र. उपवनसंरक्षक सुवर्णा माने  अधीक्षक कृषी अधिकारी दीपक गवळी  तसेच स्वयंसेवी संस्थांचे प्रतिनिधी उपस्थित होते. जिल्हाधिकारी श्री. गौडा म्हणाले की, दुष्काळसदृश परिस्थितीचा विचार करता जलसंधार...

  छत्रपती संभाजीनगर , दि.१७(जिमाका)-  वेरूळ येथील श्री घृष्णेश्वर ज्योतिर्लिंग मंदिर परिसरात पर्यटनाला चालना देण्यासाठी होत असलेल्या विकास कामांची आज जिल्हाधिकारी विनय गौडा जी. सी. यांनी पाहणी केली. विकास कामे दर्जेदार व विहीत वेळेत पूर्ण करावीत असे निर्देश त्यांनी संबंधित यंत्रणांना दिले. तसेच मंदिर परिसरातील विकासकामांची सद्यस्थिती जाणून घेतली.             त्यांचे समवेत उपविभागीय अधिकारी संतोष गोरड, अंकिता ताकभाते,   कार्यकारी अभियंता स्मिता पवार, उप अभियंता दिलीप कोलते, शाखा अभियंता सागर सावजी, सौरभ चव्हाण, रचनाकार प्रदीप देशपांडे, पोलीस निरीक्षक प्रशांत महाजन, वेरुळ ग्रा.पं. प्रशासक दीपक बागुल, ग्राम प्रशासक गंगाधर गायकवाड, मंडळ अधिकारी विजय चव्हाण, लक्ष्मण जाधव,   ग्राम महसूल अधिकारी   भूषण रोजेकर, पोलीस पाटील रमेश दोरे   आदी उपस्थित होते.               `जिल्हाधिकारी गौडा यांनी या पाहणीदरम्यान नव्याने उभारण्यात येत असलेल्या भक्तनिवास...

  छत्रपती संभाजीनगर , दि.१७(जिमाका)-   जिल्ह्यातील टंचाईग्रस्त भागांत टँकरद्वारे करावयाच्या पाणीपुरवठ्यात पारदर्शकता , अचूक ता राख ण्यासाठी जिल्हास्तरीय पाणी टँकर सनियंत्रण व प्रत्यक्ष पाहणी समिती गठित करण्यात आली आहे. जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष विनय गौडा जी . सी . यांनी एका आदेशाद्वारे शुक्रवारी (दि.१६) ही समिती गठित केली. राज्यात अपुऱ्या पर्जन्यमानामुळे किंवा इतर नैसर्गिक कारणांमुळे उद्भवणारी पिण्याच्या पाण्याची संभाव्य टंचाई लक्षात घेऊन ऑक्टोबर २०२६ ते जून २०२७ या टंचाई कालावधीसाठी संभाव्य पाणीटंचाईची परिस्थिती हाताळण्याच्या दृष्टीने हा निर्णय घेण्यात आला आहे . त्यानुसार सर्वंकष कार्यपद्धती निश्चित करण्यात आली आहे. लोकसंख्येनुसार पाण्याची गरज निश्चि ती पाणीपुरवठ्यासाठी टँकर मंजुरीपूर्वी संबंधित गावाची किंवा वाडी - वस्तीची प्रत्यक्ष लोकसंख्या विचारात घेऊन पाण्याची गरज निश्चित करण्यात येईल . शासनाने ग्रामीण भागासाठी निर्धारित केलेल्या निकषांनुसार दरडोई दररोज २० लिटर पाणी या प्रमाणाचा आधार घेतला जाईल. टंचाईग्रस्त भागातील पशुधनासाठी ...

छत्रपती संभाजीनगर, दि. १६ (जिमाका)- दुष्काळावर दीर्घकालीन उपाययोजना करतांना जलसंधारण आणि पाणी व्यवस्थापनाला प्राधान्य देणे आवश्यक आहे. दुष्काळी पार्श्वभूमीवर मराठवाड्यातील शेतकऱ्यांना वेळेत मदत मिळणे आवश्यक आहे व त्यासाठी प्रयत्न सुरु आहेत, असे केंद्रीय सामाजिक न्याय व अधिकारिता राज्यमंत्री रामदास आठवले यांनी आज सांगितले. श्री. आठवले आज छत्रपती संभाजीनगर दौऱ्यावर होते. यावेळी त्यांनी  मुकुंदवाडी परिसरातील जिमखाना क्लब येथे पत्रकार परिषदेत पत्रकारांशी संवाद साधला. फुलंब्रीच्या आमदार अनुराधा चव्हाण या यावेळी उपस्थित होत्या. केंद्रीय राज्यमंत्री श्री. आठवले म्हणाले की, यंदा सुरुवातीला पाऊस झाला; मात्र त्यानंतर पावसात खंड पडल्याने अनेक भागांत दुष्काळी परिस्थिती निर्माण झाली आहे. शासनाने दुष्काळ जाहीर केला असून, बाधित शेतकऱ्यांना मदत मिळणार  आहे. विशेषतः पिण्याच्या पाण्याची उपलब्धता आणि जनावरांच्या चाऱ्याचा प्रश्न गंभीर असून, त्यासाठी आवश्यक उपाययोजना करण्यात येत आहेत. जनावरांच्या चाऱ्यासाठी देण्यात येणाऱ्या आर्थिक मदतीत वाढ करण्याची आवश्यकता आहे, असे श्री. आठवले यांनी सांगितले...

    छत्रपती संभाजीनगर, दि.15 (जिमाका):- माजी राष्ट्रपती तथा थोर शास्त्रज्ञ डॉ.ए.पी.जे. अब्दुल कलाम यांच्या जयंतीनिमित्त आज जिल्हाधिकारी कार्यालयात त्यांना अभिवादन करण्यात आले. उपजिल्हाधिकारी संगिता राठोड यांच्या हस्ते प्रतिमापूजन करुन त्यांना अभिवादन करण्यात आले. यावेळी जिल्हाधिकारी कार्यालयातील अधिकारी व कर्मचारी उपस्थित होते. ०००००

  छत्रपती संभाजीनगर, *दि. १५ (जिमाका) – औरंगाबाद विभाग पदवीधर मतदारसंघाची निवडणूक २०२६ ची मतमोजणी प्रक्रिया अचूक, पारदर्शक व शांततेत पार पाडण्यासाठी सर्व अधिकारी व कर्मचाऱ्यांनी समन्वयाने आणि सांघिक भावनेने काम करावे. प्रत्येकाने आपली जबाबदारी योग्य प्रकारे पार पाडावी, असे निर्देश विभागीय आयुक्त तथा निवडणूक निर्णय अधिकारी जी. श्रीकांत यांनी दिले. पदवीधर मतदारसंघाच्या निवडणुकीच्या अनुषंगाने आज वंदे मातरम् सभागृहात मतमोजणीसाठी नियुक्त अधिकारी व कर्मचाऱ्यांचे प्रशिक्षण आयोजित करण्यात आले होते. यावेळी विभागीय आयुक्त जी. श्रीकांत, जिल्हाधिकारी विजय गौंडा जी.सी., जिल्हा परिषदेच्या मुख्य कार्यकारी अधिकारी मिन्नू पी.एम., महानगरपालिका आयुक्त अमोल येडगे यांच्यासह मराठवाडा विभागातील सर्व जिल्हाधिकारी, जिल्हा परिषदांचे मुख्य कार्यकारी अधिकारी, उपविभागीय अधिकारी तसेच निवडणूक प्रक्रियेशी संबंधित अधिकारी व कर्मचारी उपस्थित होते. औरंगाबाद पदवीधर मतदारसंघाच्या निवडणुकीत ४१ उमेदवार रिंगणात असून, विभागात एकूण ८४२ मतदान केंद्रे आहेत. मतमोजणीसाठी सुमारे ५०० अधिकारी व कर्मचाऱ्यांची नियुक्ती करण्य...

छत्रपती संभाजीनगर : सेवा संकल्प अभियानांतर्गत आरोग्य व कुटुंब कल्याण प्रशिक्षण केंद्रात बहुउद्देशीय आरोग्य कर्मचारी सत्र क्रमांक ५७ च्या प्रशिक्षणार्थींसाठी ‘रेबीज आजार : लक्षणे, उपचार व प्रतिबंधात्मक उपाययोजना’ या विषयावर विशेष कार्यशाळेचे आयोजन करण्यात आले. केंद्राचे प्राचार्य मा. डॉ. संतोष कडले व मा. डॉ. पल्लवी पगडाल, साथरोगशास्त्रज्ञ यांच्या मार्गदर्शनाखाली ही कार्यशाळा यशस्वीरीत्या पार पडली. जागतिक स्तरावर कार्यरत ‘मिशन रेबीज’ (WVS-HOPE) या संस्थेने कार्यशाळेत सहभाग घेतला. संस्थेचे शिक्षण अधिकारी मा. श्री. आकाश बेडवाल यांनी प्रशिक्षणार्थींना रेबीज आजाराविषयी सखोल व तांत्रिक मार्गदर्शन केले. रेबीज हा प्राणघातक आजार असला, तरी योग्य वेळी घेतलेली खबरदारी, प्रतिबंधात्मक उपाययोजना आणि वेळेवर मिळणारे उपचार यामुळे प्राण्यांच्या दंशामुळे होणाऱ्या या धोक्यापासून बचाव करता येतो, याबाबत त्यांनी मार्गदर्शन केले. कार्यशाळेदरम्यान प्राण्यांच्या दंशानंतर घ्यावयाची तातडीची काळजी, जखमेची प्राथमिक स्वच्छता, वेळेवर लसीकरण व उपचार तसेच रेबीज प्रतिबंधासाठी आवश्यक जनजागृती याबाबत प्रशिक्षणार्थींना व्याव...

 छत्रपती संभाजीनगर, दि. १३ :- औरंगाबाद विभाग पदवीधर मतदारसंघाच्या निवडणुकीचे निवडणूक निर्णय अधिकारी तथा विभागीय आयुक्त जी. श्रीकांत यांनी आज चिकलठाणा येथील कलाग्रामसमोरील मोकळ्या जागेत उभारण्यात आलेल्या मतमोजणी केंद्राची पाहणी करून सुरक्षा व्यवस्था व आवश्यक सुविधांचा आढावा घेतला. यावेळी त्यांनी सीसीटीव्ही यंत्रणा, मतपेट्या ठेवण्याची व्यवस्था, मतमोजणी कक्ष, वीजपुरवठा व पर्यायी वीज व्यवस्था, अग्निशमन यंत्रणा, रुग्णवाहिका तसेच उमेदवारांच्या प्रतिनिधींसाठी उपलब्ध सुविधांची माहिती घेतली. मतमोजणी प्रक्रियेत वीजपुरवठ्यामुळे कोणताही व्यत्यय येऊ नये, यासाठी आवश्यक ती खबरदारी घेण्याच्या सूचना त्यांनी संबंधित अधिकाऱ्यांना दिल्या. मतमोजणीच्या दिवशी अधिकारी, कर्मचारी व उमेदवारांच्या प्रतिनिधींना कोणतीही अडचण येऊ नये, यासाठी प्रवेश व्यवस्था, पिण्याचे पाणी, स्वच्छतागृहे आणि अन्य मूलभूत सुविधांची पूर्तता वेळेत करावी. तसेच सर्व संबंधित यंत्रणांनी समन्वयाने काम करून मतमोजणी केंद्रावरील आवश्यक व्यवस्था सज्ज ठेवावी, असे निर्देश त्यांनी दिले. यावेळी जिल्हाधिकारी विनय गौडा जी. सी., जिल्हा परिषदेच्या मुख...

  चौथी यादी प्रसिद्ध, जिल्ह्यातील ४१ हजार १७०  शेतकऱ्यांचे आधार प्रमाणीकरण अद्याप बाकी  छत्रपती संभाजीनगर, दि. १३ (जिमाका)- ‘पुण्यश्लोक अहिल्यादेवी होळकर शेतकरी कर्जमुक्ती योजना, २०२६’ योजनेत कर्जमुक्तीला पात्र ठरलेल्या शेतकऱ्यांची चौथी यादी दि.१२ रोजी प्रसिद्ध झाली आहे. त्यानुसार आतापर्यंत एकूण चारही याद्या मिळून जिल्ह्यात १ लाख ४६ हजार ३७१ शेतकऱ्यांची नावे आहेत. त्यापैकी १ लाख ५ हजार २०१ शेतकऱ्यांचेच आधार प्रमाणीकरण झाले आहे. अद्याप ४१ हजार १७० शेतकऱ्यांचे आधार प्रमाणीकरण बाकी आहे. त्यांनी ते त्वरीत करावे असे आवाहन जिल्हा उपनिबंधक समृत जाधव यांनी केले आहे. जिल्ह्यात प्रसिद्ध झालेल्या चौथ्या यादीत  १९ हजार १४० पात्र शेतकऱ्यांची नावे आहेत. दि. १२ रोजी प्रसिद्ध झालेल्या चौथ्या यादीतील कर्जखात्यांसह जिल्ह्यात एकूण १ लाख ४६ हजार ३७१ शेतकऱ्यांची नावे आहेत. त्यापैकी १ लाख ५ हजार २०१ शेतकऱ्यांनी आधार प्रमाणिकरण पूर्ण केले आहे. अद्याप ४१ हजार १७० शेतकऱ्यांचे आधार प्रमाणीकरण बाकी आहे. आधार प्रमाणिकरण पूर्ण केलेल्या शेतकऱ्यांच्या खात्यात शासन स्तरावरून ऑनलाइन पद्धतीने अनुदाना...

  छत्रपती संभाजीनगर , दि.१२(जिमाका)- नागरिकांना आवश्यक दाखले सहज मिळावेत , यासाठी महाराष्ट्र संशोधन , उन्नती व प्रशिक्षण प्रबोधिनी (अमृत) आणि यशस्वी उद्योजिका समूह यांच्या वतीने पुंडलिकनगर येथे ‘सेवा संकल्प अभियान’ अंतर्गत विशेष शिबिर घेण्यात आले. या शिबिराला परिसरातील महिला आणि नागरिकांनी सहभाग नोंदवला.    या उपक्रमात नागरिकांना उत्पन्नाचा दाखला , नॅशनॅलिटी-डोमेसाईल दाखला तसेच इतर आवश्यक शासकीय कागदपत्रे काढून देण्यासाठी मदत करण्यात आली. दाखले काढताना लागणारी कागदपत्रे , अर्ज प्रक्रिया आणि इतर माहितीही नागरिकांना समजावून सांगण्यात आली. जिल्हा व्यवस्थापक अक्षय लंबे तसेच यशस्विनी उद्योजिका समूहाच्या अध्यक्ष विजया कुलकर्णी यांची प्रमुख उपस्थिती होती. मंजू कुलकर्णी यांनी उपस्थित महिलांना अमृतच्या विविध योजना , उपक्रम आणि प्रशिक्षणाबाबत सविस्तर माहिती दिली. त्यामुळे शासकीय दाखल्यांसोबतच महिलांना रोजगार , व्यवसाय आणि प्रशिक्षणाच्या संधींचीही माहिती मिळाली. शासकीय कागदपत्रे काढून देण्यासाठी गणेश दसरे , साई मल्टी सर्विसेस यांनी विशेष सहकार्य केले. तसेच रामेश्वर साळुंखे आणि यशस्...