सार्वजनिक गणेश व दुर्गा उत्सव मंडळांना कायमस्वरूपी नोंदणी करण्याचे आवाहन

छत्रपती संभाजीनगर, दि. 28 (जिमाका) – सार्वजनिक गणेशोत्सव व दुर्गा उत्सव साजरे करणाऱ्या सर्व मंडळांनी महाराष्ट्र सार्वजनिक विश्वस्त व्यवस्था अधिनियम 1950 अंतर्गत कलम 41(क) नुसार दरवर्षी वर्गणी संकलनासाठी परवानगी घेण्याऐवजी कायमस्वरूपी नोंदणी करून घ्यावी, असे आवाहन धर्मादाय सह आयुक्त रा.स. पावसकर यांनी केले आहे. दरवर्षी मोठ्या संख्येने मंडळांकडून वर्गणी संकलनासाठी परवानगी मिळवण्यासाठी अर्ज करण्यात येतो. मात्र, जर मंडळांनी संस्था नोंदणी अधिनियमांतर्गत नोंदणी केली असेल, तर त्यांना वारंवार परवानगी घेण्याची गरज भासणार नाही.तरी सर्व सार्वजनिक उत्सव मंडळांनी आपली नोंदणी करून घ्यावी, असे आवाहन धर्मादाय सह आयुक्त यांनी केले आहे. 00000