निवृत्तीवेतनधारकांसाठी Maha-UPLABDHI’ मोबाईल ॲप; दि.६ ऑक्टोंबर रोजी कार्यशाळा

छत्रपती संभाजीनगर दि.२९(जिमाका)- लेखा व कोषागारे संचालनालय, महाराष्ट्र राज्य, मुंबई आणि वरिष्ठ कोषागार कार्यालय, छत्रपती संभाजीनगर यांच्या संयुक्त विद्यमाने जिल्ह्यातील सर्व आहरण व संवितरण अधिकारी तसेच निवृत्तीवेतनधारक व कुटुंब निवृत्तीवेतनधारकांसाठी ‘Maha-UPLABDHI’ मोबाईल ॲपबाबत मंगळवार दि.६ ऑक्टोंबर रोजी मार्गदर्शन कार्यशाळेचे आयोजन करण्यात आले आहे. मंगळवार दि. ६ ऑक्टोबर रोजी सकाळी सव्वा दहा ते दु.२ वाजेपर्यंत जिल्हाधिकारी कार्यालय, छत्रपती संभाजीनगर येथे होणार आहे. कार्यशाळेत ‘Maha-UPLABDHI’ मोबाईल ॲपचा वापर व त्यासंदर्भातील आवश्यक बाबींविषयी मार्गदर्शन करण्यात येणार आहे. जिल्ह्यातील सर्व आहरण व संवितरण अधिकारी तसेच निवृत्तीवेतनधारक व कुटुंब निवृत्तीवेतनधारकांनी या कार्यशाळेस उपस्थित राहून मार्गदर्शनाचा लाभ घ्यावा, असे आवाहन वरिष्ठ कोषागार कार्यालय, छत्रपती संभाजीनगर यांच्या वतीने करण्यात आले आहे.       

०००००